Accessibility links

تاڵیبانی پاکسـتان ده‌ڵێت له‌ پـێشـنیاری وتووێژی ئاشـتی پاشگه‌ز ده‌بێته‌وه‌

  • VOA News

گوته‌بێژی تاڵیبانی پاکسـتان ده‌ڵێت ئه‌و پـێشـنیاره‌ی بۆ سـازدانی وتووێژی ئاشـتی کردبوویان لێی پاشگه‌ز ده‌بنه‌وه‌، ئه‌مه‌ش پاش ئه‌وه‌ی جێـگری ڕابه‌ره‌که‌یان به‌ هێرشێـکی ئاسـمانی فڕۆکه‌ی بێ فڕۆکه‌وانی ئه‌مه‌ریکایی کوژرا.
ئیحسانوڵڵا ئیحسان ئه‌مڕۆ پـێـنجشه‌ممه‌ له‌ په‌یوه‌ندیـیه‌کی ته‌له‌فۆنیدا له‌گه‌ڵ ئاژانسی ده‌نگ‌وباسی ئه‌سۆشیه‌تد پـرێس گوتی وه‌لی ڕه‌حمانی که‌سی دووه‌می ڕابه‌ریان ڕۆژی چوارشه‌ممه‌ به‌ هێرشێـکی فڕۆکه‌ی بێ فڕۆکه‌وانی ئه‌مه‌ریکایی له‌ ناوچه‌یه‌کی خێڵه‌کی پاکسـتان له‌ نزیک سـنووری ئه‌فغانسـتاندا کوژرا‌.
کاربه‌ده‌سـتانی پاکسـتان ده‌ڵێن هاوکات 4 چه‌کداری دیکه‌ له‌و هێرشه‌دا کوژراون.
پـێشـتر تاڵیبانی پاکسـتان گوتبووی ئاماده‌یه‌ بۆ سـازدانی وتووێژی ئاشـتی له‌گه‌ڵ حکومه‌تی تازه‌ هه‌ڵبژێردراوی وڵاته‌که‌، به‌ڵام ئیحسانوڵڵا ئه‌مڕۆ گوتوویه‌تی بۆیه‌ پاشگه‌ز ده‌بنه‌وه‌، چونکه‌ پـێیان‌وایه‌ حکومه‌ت ڕه‌زامه‌ندی له‌سه‌ر هێرشیی فڕۆکه‌ی بێ فڕۆکه‌وان ده‌ربڕیوه‌.
XS
SM
MD
LG