Accessibility links

به‌حره‌ین 3 گومانبار له‌سه‌ر ته‌قینه‌وه‌ی بۆمبێـک ده‌سـتگیرده‌کات

  • VOA News

وه‌زاره‌تی ناوخۆی به‌حره‌ین ده‌ڵێت هێزه‌کانی پـۆلیس 3 گومانباریان ده‌سـتگیرکردووه‌ له‌سه‌ر ته‌قینه‌وه‌ی بۆمبێـک له‌ ڕۆژئاوای مه‌نامه‌ی پایته‌خت له‌ شه‌وی ڕابردوودا‌.
ته‌قینه‌وه‌که‌ که‌ بووه‌ته‌ مایه‌ی برینداربوونی 7 پـۆلیس، له‌ گوندی به‌نی جه‌مره‌ ڕوویداوه‌، ئه‌و‌ شوێنه‌ی له‌ ڕابردوودا چه‌ندین جار پـێـکدادانی نێوان پـۆلیس و خۆپـیشـانده‌رانی لێی ڕوویدابوو.
کاربه‌ده‌سـتان هێرشه‌که‌یان به‌ تێرۆرسـتی ناودێرکرد و ده‌ڵێن به‌ بۆمبێـکی دروسـتکراوی خۆماڵی ئه‌نجامدراوه‌. ده‌شڵێن دوو له‌ پـۆلیسه‌کان برینه‌کانیان سه‌خته‌.
جێی ئاماژه‌یه‌ زیاتر له‌ 60 که‌س له‌و وڵاته‌دا کوژراون له‌وه‌تای شیعه‌کانی که‌ زۆرینه‌ن له‌و شـانشینه‌ له‌ ڕێگه‌ی خۆپـیشـاندان و ناڕه‌زایی ده‌ربڕینه‌وه‌ بۆ زیاتر له‌ 2 سـاڵه‌ داوای ده‌سه‌ڵاتی سیاسی گه‌وره‌تر ده‌که‌ن.
XS
SM
MD
LG