Accessibility links

له‌ هه‌موو 10 خێزانی ئه‌مه‌ریکایی چواریان دایکان سه‌رچاوه‌ی بژێوی ژیانیانن


توێژینه‌وه‌یه‌کی نوێ له‌ وڵاته‌ یه‌کگرتووه‌کانی ئه‌مه‌ریکا ده‌ڵێت 40% ی خێزانه‌کانی ئه‌مه‌ریکا دایکان سه‌رچاوه‌ی بژێوی ژیانیانن.
سه‌نته‌ری پـیو بۆ توێژینه‌وه‌ ئه‌مڕۆ چوارشه‌ممه‌ له‌ ڕاپـۆرتێـکیدا ئه‌مه‌ی بڵاوکرده‌وه‌ و ده‌ڵێت په‌نجا سـاڵ له‌مه‌وبه‌ر ته‌نها 11% ی خێزانه‌کان دایکان سه‌رچاوه‌ی سه‌ره‌کی دارایـیان بوون.
ڕاپـۆرته‌که‌ ئاماژه‌ بۆ ئه‌وه‌ ده‌کات 37% ی ئه‌و دایکانه‌ موچه‌کانیان زیاتره‌ له‌ هاوسه‌ره‌کانیان و 63% ی ئه‌و دایکانه‌ش هاوسه‌ریان نیـیه‌.
پاشـان نووسیویه‌تی هه‌تا سـاڵی 1968 ته‌نها 37% ی دایکان کاریان ده‌کرد‌، به‌ڵام له‌ سـاڵی 2011 گه‌یشتووه‌ته‌ 65%.
توێژه‌ره‌کان له‌ به‌شێـکی ڕاپـۆرته‌که‌یاندا ده‌ڵێن ئه‌و گۆڕانه‌ی به‌سه‌ر کۆمه‌ڵدا هاتووه‌ ڕۆڵێـکی گرنگی له‌مه‌دا بینیوه‌ و ئێسـتا له‌ ئه‌مه‌ریکا ژنان له‌ پـیاوان زیاتر بڕوانامه‌ی به‌کالۆریۆسیان هه‌یه‌ و نزیکه‌ی نێوه‌ی هێزی کاری وڵاته‌که‌ ژنانن.
XS
SM
MD
LG