Accessibility links

شیروان شه‌مێرانی: سیماکانی ده‌وڵه‌ت له‌ عێراقدا نه‌ماوه‌

  • Shwan Said

عێراق مانگێکی تری خوێناوی به‌سه‌ر ده‌بات، شه‌پۆلی توندوتیژی به‌ ئاستێك تاوی سه‌ندووه‌ که‌ چاودێرانی سیاسی پێشبینی ڕوودانی شه‌ڕی ناوخۆ بکه‌ن.
پـێشووتر له‌ ناوچه‌ سونه‌ نیشینه‌کاندا خۆپیشاندانی به‌رفراوان ڕووی دابو و دواتر شێوازی ڕووبه‌ڕووبونه‌وه‌ی له‌ خۆگرتبو له‌ نێوان مانگرتوان و هێزه‌ ئه‌منیـیه‌کانی حکومه‌تی ناوه‌ندی به‌غدا.
هاوکاتی ئه‌مانه‌ سه‌رۆك وه‌زیرانی عێراق نوری ئه‌لمالکی هه‌ڕه‌شه‌ی بن بڕکردنی تیرۆرستان ده‌دات، به‌م جۆره‌ش بارودۆخه‌که‌ ئه‌وه‌نده‌ی دیکه‌ ئاڵۆز ده‌بێت .
نووسه‌ر و شیکه‌ره‌وه‌ی سیاسی شیروان شه‌مێرانی ده‌ڵێت چی دی عێراق وه‌ك ده‌وڵه‌ت نه‌ماوه‌ و حکومه‌تی به‌غداش له‌ بری ئه‌وه‌ی بێ لایه‌نانه‌ ڕه‌فتار له‌گه‌ڵ کێشه‌کاندا بکات، ڕه‌وشه‌که‌یان ئه‌وه‌نده‌ی دیکه‌ ئاڵۆز کردووه‌.
ناوبراو ده‌ڵێت به‌م شێوه‌یه‌ بڕوات یاینده‌ی عێراق زۆر خوێناوی تر ده‌بێت.
XS
SM
MD
LG