Accessibility links

به‌هۆی چه‌ند ته‌قینه‌وه‌ و هێرشێـک له‌ عێراق 11 که‌س ده‌کوژرێن

  • VOA News

کاربه‌ده‌سـتانی عێراق ده‌ڵێن ئه‌مڕۆ سێشه‌ممه‌ چه‌ند ته‌قینه‌وه‌ و هێرشێـک له‌ ناوه‌ڕاست و باکوری وڵاته‌که‌ ڕوویداوه‌‌ و بوونه‌ مایه‌ی کوژرانی به‌ لایه‌نی که‌م 11 که‌س و برینداربوونی 35 که‌سیش.
له‌ گه‌ڕه‌کی سه‌دری به‌غدا، بۆمبێـک له‌ ناو پاسێـکدا ته‌قیوه‌ته‌وه‌ و له‌ ئاکامدا 5 که‌س کوژراون و 25 که‌سیش برینداربوون که‌ پـێنجیان پـۆلیسن و ئه‌وانی دیکه‌یان که‌سی سیڤیلن.
له‌ شـارۆچکه‌ی تاڕمیـیه‌ی باکوری به‌غداش خۆکوژێـک ماشێنێـکی بڕ ته‌قه‌مه‌نی به‌ خاڵێـکی پـشـکنینی پـۆلیسـدا ته‌قاندووه‌ته‌وه‌ و له‌وێش پـۆلیسێـک و هاوڵاتیـیه‌کی سیڤیل کوژراون و 9 که‌سی دیکه‌ برینداربوون.
له‌ شـاری موسڵیش شه‌ڕه‌ ته‌قه‌ له‌ نێوان پـۆلیس و کۆمه‌ڵێـک چه‌کدار هه‌ڵـگیرسا و له‌ ئاکامدا 3 پـۆلیس و 4 چه‌کدار کوژران. 15 چه‌کداریش ده‌سـتگیرکران. له‌ باشوری شـاره‌که‌ش بۆمبێـک به‌ هێزێـکی گه‌ڕۆکی پـۆلیسدا ته‌قیوه‌ته‌وه‌ و له‌ ئه‌نجامدا پـۆلیسێـک کوژراوه‌ و یه‌کێـکی دیکه‌ برینداربوون.
XS
SM
MD
LG