Accessibility links

په‌رله‌مانی ئێران بوجه‌یه‌کی که‌متر بۆ وڵاته‌که‌ی په‌سه‌ند ده‌کات

  • VOA News

ته‌له‌فزیۆنی ده‌وڵه‌تی ئێران ڕایگه‌یاند، په‌رله‌مان بوجه‌یه‌کی بۆ وڵاته‌که‌ په‌سه‌ندکردووه‌ به‌ بڕی 290 ملیار دۆلار ، واته‌ که‌متره‌ له‌وه‌ی سـاڵی ڕابردووه‌‌ به‌ ڕێژه‌ی 36% .
ئه‌مه‌ش نیشـانه‌ی کاریگه‌ری ئه‌و سـزا توندانه‌یه‌ که‌ ڕۆژئاوا به‌سه‌ر ئێرانی سه‌پاندووه‌ له‌سه‌ر به‌رنامه‌ ناوکیـیه‌که‌ی. ڕۆژئاوای پـێـیوایه‌ ئێران به‌ره‌و دروسـتکردنی چه‌کی ناوکی هه‌نگاو ده‌نێت. ئێرانیش ئه‌وه‌ ڕه‌تده‌کاته‌وه‌ و ده‌ڵێت به‌رنامه‌ ناوکیـیه‌که‌ی بۆ کاری ئاشـتیخوازانه‌یه‌.
له‌ ئێسـتادا سزاکان وایکردووه‌ به‌های دراوی ئێرانی بێته‌ خوارێ و دۆلارێـک به‌ 35 هه‌زار ڕیاڵه‌، واته‌ سێ هێنده‌ به‌هاکه‌ی هاتووه‌ته‌ خوارێ به‌ به‌راورد له‌گه‌ڵ سـاڵی ڕابردوو. هه‌روه‌ها یه‌کێتی ئه‌وروپا له‌ کڕینی نه‌وتی ئێرانی وه‌سـتاوه‌ و ئامێر و پارچه‌ی یه‌ده‌کی گرنگی بۆ هه‌نارده‌ ناکات.
به‌م بوجه‌ نوێـیه‌ حکومه‌ت ده‌توانێت نرخێـک بۆ نه‌وت دابنێت، که‌ سـاڵی ڕابردوو له‌ 85 دۆلار بۆ هه‌ر بۆشکه‌یه‌ک جێـگیربووبوو.
XS
SM
MD
LG