Accessibility links

زنجیره‌یه‌ک ته‌قینه‌وه‌ له‌ پایته‌ختی عێراق ده‌بنه‌ مایه‌ی کوژرانی 57 که‌س


زنجیره‌یه‌ک ته‌قینه‌وه‌ پاش نیوه‌ڕۆی ئه‌مڕۆ دووشه‌ممه‌ چه‌ند ناوچه‌یه‌کی زۆرینه‌ شیعه‌ی به‌غدای پایته‌ختی عێراقی گرته‌وه‌ و له‌ ئاکامدا به‌ لایه‌نی که‌م 57 که‌س کوژران و 153 که‌سی دیکه‌ برینداربوون.
ناوچه‌ی مه‌عالف له‌ باشوری به‌غدا، ئۆتۆمبیلێـکی بۆمبڕێژکراو و بۆمبێـکی چێنراو له‌ بازاڕێـکی کراوه‌دا ته‌قیونه‌ته‌وه‌ و له‌ ئاکامدا 6 که‌س کوژراون و زیاتر له‌ 12 که‌سیش برینداربوون.
شه‌قامی سه‌عدون له‌ ناوجه‌رگه‌ی به‌غدا، ئۆتۆمبیلێـکی بۆمبڕێژکراو ته‌قیوه‌ته‌وه‌ و بووته‌ مایه‌ی کوژرانی 5 که‌س و برینداربوونی 14 که‌س،‌ چواریان پـۆلیسن.
ناوچه‌ی به‌غداد جدیده له‌ ڕۆژهه‌ڵاتی به‌غدا‌، له‌وێش ئۆتۆمبیلێـک ته‌قیوه‌ته‌وه‌ و له‌ ئاکامدا که‌سێـک کوژراوه‌ و 9 که‌سی دیکه‌ برینداربوون.
ناوچه‌ی سه‌بع ئه‌لبور له‌ باکوری به‌غدا، دوو ئۆتۆمبیلی بۆمبڕێژکراو له‌ نزیک بازاڕێـکدا ته‌قیوه‌ته‌وه‌ و 8 که‌س کوژراون و 26 که‌سیش برینداربوون.
ناوچه‌ی به‌یاع له‌ باشوری ڕۆژئاوای به‌غدا، ئۆتۆمبیلێـکی بۆمبڕێژکراو له‌ نزیک بازاڕێـکدا ته‌قیوه‌ته‌وه‌، 6 که‌س کوژراون و 16 که‌سیش برینداربوون.
ناوچه‌ی کازمیـیه‌ی له‌ باکوری به‌غدا، ئۆتۆمبیلێـکی بۆمبڕێژکراو له‌ نزیک پاسێـک و ته‌کسیـیه‌کی ڕاوه‌سـتاودا ته‌قیوه‌ته‌وه‌، 4 که‌س کوژراون و 11 که‌س برینداربوون.
ناوچه‌ی سه‌دریـیه‌ی ناوجه‌رگه‌ی به‌غدا له‌ نزیک بازاڕی شۆڕیجه‌، ئۆتۆمبیلێـکی بۆمبڕێژکراو ته‌قیوه‌ته‌ 3 که‌س کوژراون و 11 که‌س بریندابوون.
ناوچه‌ی حه‌بیبیه‌ له‌ ڕۆژهه‌ڵاتی به‌غدا، دوو بۆمب ته‌قیونه‌ته‌وه‌ 12 که‌س کوژراون و 35 که‌س برینداربوون.
ناوچه‌ی جسر دیاله‌ له‌ باشوری به‌غدا، له‌وێش ئۆتۆمبیلێـک ته‌قیوه‌ته‌وه‌ و 5 که‌س کوژراون و 12 که‌سی دیکه‌ برینداربوون.
ناوچه‌ی شه‌عب له‌ باکوری به‌غدا، ئۆتۆمبیلێـکی بۆمبڕێژکراو ته‌قیوه‌ته‌وه‌ و 4 که‌س کوژراون و 9 که‌سیش برینداربوون.
ناوچه‌ی مه‌دائنی خواروی به‌غدا، ئۆتۆمبیلێـک ته‌قیوه‌ته‌وه‌ و 3 که‌س کوژراون و 9 که‌س برینداربوون.
XS
SM
MD
LG