Accessibility links

شه‌ڕ له‌سه‌ر کۆنترۆڵی شاروچکه‌ی قوسێر توندتر ده‌بێت

  • VOA News

شه‌ممه‌، هێزه‌کانی حکومه‌تی سوریا و شه‌ڕکه‌رانی حیزبوڵڵا بنکه‌ له‌ لوبنان ده‌ستیان له‌ توندترین هێرش بۆ سه‌ر شاروچکه‌ی ستراتیجی قوسێر دا بۆ ئه‌وه‌ی له‌ده‌ست سه‌رهه‌ڵداوان بیهێننه‌ ده‌ره‌وه‌. سه‌رهه‌ڵدانیش شه‌ڕ ده‌که‌ن تا کۆنتڕۆڵی شاره‌که‌ ده‌ده‌ست خۆ دا بهێڵنه‌وه‌ وه‌ک ڕێگایه‌ک بۆ دابێنکردنی پێداویستییه‌کان له‌ لۆبنان.
ڕێکخراوی چاودێری مافه‌کانی مرۆڤی سوریا سه‌ر به‌ ئۆپۆزسیۆن ده‌ڵێت به‌ هۆی توندوتیژی شه‌ممه‌ 22 که‌س کوژران.


له‌ هه‌مانده‌م له‌ ئه‌ستانبوڵ، ئۆپۆزسیۆنی سوریا نه‌گه‌یشته‌‌ ڕێککه‌وتنێک بۆ هه‌ڵبژاردنی ڕێبه‌رایه‌تی و سه‌رۆکێکی نوێ.
له‌ ماوه‌ی 3 ڕۆژی گفتوگۆکان، ڕۆژئاوای لایه‌نگری ئۆپۆزسیۆن هه‌وڵی بۆ دانانی ڕێبه‌رایه‌تی فه‌ره‌لایه‌نه‌ داوه، به‌ڵام تائێستا هه‌وڵه‌کان بۆ لاوازکردنی ده‌سته‌ڵاتی ئیخوان مۆسلمین له‌ ناو هاوپه‌یمانێتی نیشتمانی سوریا سه‌رکه‌وتو نه‌بونه‌.

شه‌ممه‌ له‌ ئۆردن، سیناتۆر جان مه‌کێن داوای له‌ واشنتن کرد چه‌ک بداته‌ ژماره‌یه‌ک له‌ کۆمه‌ڵه‌ سه‌رهه‌ڵداوه‌کانی سوریا. ئه‌و گوتیشی ده‌بێت ئه‌مه‌ریکا پشتیوانی له‌ دانانی هه‌رێمی نه‌فڕین له‌ ناو سوریادا بکات بۆ ئه‌وه‌ی یارمه‌تی پێوست بدرێته‌ ده‌ست خه‌ڵکی مه‌ده‌نی.
XS
SM
MD
LG