Accessibility links

له‌ هێرشێـکدا له‌ له‌نده‌ن سه‌ربازێـک ده‌کوژرێت

  • VOA News

 Attack on the streets of Woolwich, London

Attack on the streets of Woolwich, London

کاربه‌ده‌سـتانی به‌ریتانی ده‌ڵێن له‌ نزیـک سه‌ربازگه‌یه‌ک له‌ له‌نده‌ن دوو پـیاو هێرشیان کردووه‌ته‌ سه‌ر پـیاوێـک و کوشـتوویانه‌. پاشـان پـۆلیس ته‌قه‌ی لێکردوون‌ و به‌ برینداری ده‌سـتگیریان کردوون.
ڕووداوه‌که‌ له‌ ناوچه‌ی وڵوچی باشوری ڕۆژهه‌ڵاتی له‌نده‌ن بووه‌ و ده‌ڵێن هێرشبه‌ره‌کان ده‌مانچه‌ و چه‌قۆ و ته‌وریان پـێبووه‌.
گه‌واهیده‌ران ده‌ڵێن به‌ر له‌وه‌ی هێزه‌کانی پـۆلیس بگه‌نه‌ شوێنه‌که‌ دوو هێرشبه‌ره‌که‌ هه‌وڵیان داوه‌ سه‌ری پـیاوه‌که‌ لێبکه‌نه‌وه‌.
سه‌رۆکی پـۆلیسی مترۆپـۆلیتان به‌ ده‌زگاکانی ڕاگه‌یاندنی گوت دوو هێرشبه‌ره‌که‌ ڕه‌وانه‌ی دوو نه‌خۆشـخانه‌ی جودا کراون.
سه‌رۆک وه‌زیری به‌ریتانیا ده‌یڤد کامیرۆن که‌ به‌ سه‌ردانێـک له‌ فه‌ڕه‌نسـایه‌ له‌ کۆنگره‌یه‌کی ڕۆژنامه‌وانی له‌گه‌ڵ فرانسوا ئۆلاند سه‌رۆکی فه‌ڕه‌نسـا، گوتی ئه‌م هێرشه‌ دڕندانه‌یه‌ په‌یوه‌ندی به‌ تێرۆره‌وه‌ هه‌یه‌.
XS
SM
MD
LG