Accessibility links

لێـکۆڵه‌رێـکی FBI که‌سێـکی گومان‌لێـکراو به‌ ته‌قینه‌وه‌کانی بۆستن له‌ ده‌می لێـکۆڵینه‌وه‌دا ده‌کوژێت

  • VOA News

ده‌زگای لێـکۆڵینه‌وه‌ی فیدراڵی ئه‌مه‌ریکا FBI ده‌ڵێت گومان‌لێـکراوێـک که‌ له‌ باره‌ی‌ ته‌قینه‌وه‌کانی بۆستن لێـکۆڵینه‌وه‌ی له‌گه‌ڵدا ده‌کرا، په‌لاماری کارمه‌ندێـکی داون و له‌ به‌رامبه‌ردا کارمه‌نده‌که‌ش ته‌قه‌ی لێـکردووه‌ و کوشـتویه‌تی.
ده‌زگای FBI له‌ به‌یانـنامه‌یه‌کدا ئه‌مه‌ی ڕاگه‌یاند و گوتی ڕووداوه‌که‌ زوویه‌کی ئه‌مڕۆ چوارشه‌ممه‌ له‌ شـاری ئۆرلاندۆی فلۆریدا بووه‌، کاتێـک کارمه‌نده‌که‌ی FBI و ژماره‌یه‌ک له‌ کاربه‌ده‌سـتانی ئاسایش لێـکۆڵینه‌وه‌یان له‌گه‌ڵ ئه‌و که‌سه‌دا ده‌کرد.
هاوڕێـیه‌کی کوژراوه‌که‌ گوتی، گومان‌لێکراوه‌که‌ ناوی ئیبراهیم تۆداشێڤه‌ و پـێش چه‌ند مانگێـک به‌ر له‌وه‌ی به‌ره‌و فلۆریدا بڕوات له‌ بۆستن ژیاوه‌ و ته‌یمورلان چه‌رناێڤی ناسیوه‌، چونکه‌ هه‌ردووکیان پـێـکه‌وه‌ فێری هونه‌ره‌کانی شه‌ڕده‌بوون.
XS
SM
MD
LG