Accessibility links

ڕه‌فسه‌نجانی و مه‌شـایی بۆ کاندیدی سه‌رۆکایه‌تی ڕه‌تکرانه‌وه‌


وه‌زاره‌تی ناوخۆی ئێران لیسـتی کۆتایی کاندیده‌کانی سه‌رۆکایه‌تی ڕاگه‌یاند که‌ 8 کاندیدی له‌خۆگرتووه‌ و هیچ کام له‌ سه‌رۆکی پـێشـوو ئه‌کبه‌ر هاشمی ڕه‌فسه‌نجانی و ئه‌سفه‌ندیار ڕه‌حیم مه‌شـایی له‌ نێودا نیـن‌.
به‌پـێی ده‌زگاکانی ڕاگه‌یاندنی ئێران کاندیده‌کانی ماونه‌ته‌وه‌ بریتین له‌ سه‌عیدی جه‌لیلی، غولام‌عه‌لی حه‌داد عادل، موحسن ڕه‌زایی، حه‌سه‌ن ڕوحانی، محه‌مه‌د ڕه‌زا عارف، محه‌مه‌د باقر قالیباف، محه‌مه‌د غه‌ره‌زی، عه‌لی ئه‌کبه‌ر ویلایه‌تی.
هه‌روه‌ها که‌سانی ناسراوی دیکه‌ش ڕه‌تکراونه‌ته‌وه‌، له‌وانه‌ عه‌لی فه‌لاحیان، عه‌لی ڕه‌زا زاکانی، مه‌نوچه‌هر موتـته‌کی، مسته‌فا کواکیبیان.
جێی ئاماژه‌یه‌ 686 که‌س خۆیان بۆ کاندیدی هه‌ڵبژاردنی سه‌رۆکایه‌تی ئێران ناونووس کردبوو.
ئاژانسی ده‌نگ‌وباسی فارس ده‌ڵێت مه‌شـایی ڕتکردنه‌وه‌که‌ی به‌ ناڕه‌وا داده‌نێت و لای ڕابه‌ری باڵای وڵات ئایه‌توڵڵا عه‌لی خامه‌نه‌یی سکاڵا ده‌کات.
به‌ڵام عه‌باس عه‌لی که‌ت‌خودایی گوته‌بێژی شورای نیگه‌هبان ده‌ڵێت پـرۆسه‌ی ده‌سـتنیشـانکردنی سه‌ڵاحیـیه‌تی کاندیده‌کان یه‌ک قۆناغه‌ و هیچ یاسایه‌ک نیـیه‌ ڕێـگه‌ بدات پـیاداچوونه‌وه‌ به‌ لیسته‌که‌دا بکرێت.
له‌ لایه‌کی دیکه‌وه‌ ماڵپه‌ڕی که‌لیمه‌ی سه‌ر به‌ میر حسێن موسه‌ویی ده‌ڵێت ئه‌مه‌ گولـله‌یه‌ک بوو له‌ نیوه‌ گیانی شۆڕش درا.
XS
SM
MD
LG