Accessibility links

داڕمانی بنمیچی کارگه‌یه‌ک له‌ که‌مبۆدیا گیان له‌ده‌سـتدانی 2 که‌سی لێـده‌که‌وێته‌وه‌

  • VOA News

کاربه‌ده‌سـتانی که‌مبۆدیا ده‌ڵێن بنمیچی کارگه‌یه‌کی پـێڵاو له‌ ده‌ره‌وه‌ی پـنۆم پـێنی پایته‌خت داڕماوه‌ و له‌ ئاکامدا به‌ لایه‌نی که‌م 2 که‌س گیانیان له‌ده‌سـتداوه‌ و 6 که‌سی دیکه‌ برینداربوون.
کرێـکارانی کارگه‌ی پـێڵاوی وینگ سـتاری تایوانی، وه‌ک هه‌موو ڕۆژێـکی دیکه‌ به‌یانی ئه‌مڕۆ پـێـنجشه‌ممه‌ کاریان له‌ کارگه‌که‌دا کردووه‌ کاتێـک بنمیچه‌که‌ به‌سه‌ریان که‌وتووه‌‌. پـۆلیس ده‌ڵێت ڕه‌نگه‌ هۆکاری داڕمانه‌که‌ ئه‌و باره‌ قورسه‌بووبێت که‌ له‌سه‌ری دانرابوو.
کارمه‌ندانی فریاکه‌وتن بۆ چه‌ند کاژمێرێـک له‌ گه‌ڕان و پـشـکنین به‌رده‌وام بوون تاوه‌کو دڵینابن که‌س له‌ ژێر بنمیچه‌ داڕماوه‌که‌دا نه‌ماوه‌ته‌وه‌.
XS
SM
MD
LG