کۆمه‌ڵێـکی چالاکوانی سوریا ده‌ڵێت سه‌رهه‌ڵـداوان له به‌ندیخانه‌یه‌کی شـاری حه‌له‌بی باکوری وڵاته‌که کشـاونه‌ته‌وه، پاش ئه‌وه‌ی دووچاری شه‌ڕێـکی توند بوون له‌گه‌ڵ هێزه‌کانی حکومه‌تدا.
کۆمه‌ڵه‌ی چاودێری مافه‌کانی مرۆڤی سوریا بنکه له به‌ریتانیا هه‌روه‌ها ئه‌مڕۆ پـێـنجشه‌ممه ژماره‌ی قوربانیـیانی کوشـتنکاریـیه ئاینزایـیه‌کانی که زوویه‌کی ئه‌م مانگه له شـاری بانیاسی سه‌ر ده‌ریای ناوه‌ڕاست ڕوویاندا، له 62 کوژراوه‌وه بۆ 145 زیاکرد.
سه‌رهه‌ڵـداوان له به‌ره‌به‌یانی ڕۆژی چوارشه‌ممه‌وه ده‌سـتیان به هێرشه‌که‌یان کرد، به‌ڵام هه‌تا شه‌و نه‌یانتوانی هێزه‌کانی ڕژێم له‌وێ وه‌ده‌رنێن یان ئه‌و نزیکه‌ی 4 هه‌زار که‌سه‌ی له‌وێ زیندانی کراون ئازادبکه‌ن.
هێرشه‌که به ته‌قاندنه‌وه‌ی 2 ئۆتۆمبیلی بۆمبڕێژکراو له ده‌روازه‌ی به‌ندیخانه‌که‌دا ده‌سـتیپـێـکرد.
ئاژانسی ده‌نگ‌وباسی سـانای ده‌وڵه‌تی سوریا ڕه‌تی کردووه‌ته‌وه چه‌کدارانی ئۆپـۆزسیۆن توانیبێتیان بچنه نێو به‌ندیخانه‌که‌وه و ده‌ڵێت هێزه‌کانی حکومه‌ت به‌رپه‌رچی هێرشه‌که‌یان داوه‌ته‌وه.
![چه‌ند وێنه‌یه‌ک له سوریاوه]()
Photo Gallery:
کۆمه‌ڵه‌ی چاودێری مافه‌کانی مرۆڤی سوریا بنکه له به‌ریتانیا هه‌روه‌ها ئه‌مڕۆ پـێـنجشه‌ممه ژماره‌ی قوربانیـیانی کوشـتنکاریـیه ئاینزایـیه‌کانی که زوویه‌کی ئه‌م مانگه له شـاری بانیاسی سه‌ر ده‌ریای ناوه‌ڕاست ڕوویاندا، له 62 کوژراوه‌وه بۆ 145 زیاکرد.
سه‌رهه‌ڵـداوان له به‌ره‌به‌یانی ڕۆژی چوارشه‌ممه‌وه ده‌سـتیان به هێرشه‌که‌یان کرد، به‌ڵام هه‌تا شه‌و نه‌یانتوانی هێزه‌کانی ڕژێم له‌وێ وه‌ده‌رنێن یان ئه‌و نزیکه‌ی 4 هه‌زار که‌سه‌ی له‌وێ زیندانی کراون ئازادبکه‌ن.
هێرشه‌که به ته‌قاندنه‌وه‌ی 2 ئۆتۆمبیلی بۆمبڕێژکراو له ده‌روازه‌ی به‌ندیخانه‌که‌دا ده‌سـتیپـێـکرد.
ئاژانسی ده‌نگ‌وباسی سـانای ده‌وڵه‌تی سوریا ڕه‌تی کردووه‌ته‌وه چه‌کدارانی ئۆپـۆزسیۆن توانیبێتیان بچنه نێو به‌ندیخانه‌که‌وه و ده‌ڵێت هێزه‌کانی حکومه‌ت به‌رپه‌رچی هێرشه‌که‌یان داوه‌ته‌وه.