Accessibility links

ناکۆکیه‌کانی نێوان تایوان و فلیپین

  • VOA News

مشت و مڕێکی دیپلۆماسی له‌ نێوان تایوان و فلیپیندا ئه‌مڕۆ 5شه‌ممه‌ په‌ره‌ ده‌سه‌نێت هاوکاتی ده‌ستپێکردنی مانۆڕی سه‌ربازی له‌لایه‌ن تایپیه‌وه‌ له‌و ئاوه‌ی کێشمه‌کێشی هه‌ردوو وڵاتی له‌سه‌ره‌.

ئه‌م مه‌شق و ڕاهێنانه‌ سه‌ربازیه‌ که‌ هه‌ردوو هێزی ئاسمانی و ده‌ریایی تیایدا به‌شدارن له‌ که‌ناڵی( باشی) ته‌نها یه‌ک هه‌فته‌ پاش ته‌قه‌ کردنی پاسه‌وانانی ده‌ریایی فلیپین دێت له‌ ماسیگرێکی 65 ساڵی تایوانی و کوشتنی که‌ بووه‌ مایه‌ی توڕه‌یی و ناڕه‌زایی تایوان.

که‌س و کاری ماسیگره‌که‌ و هه‌روه‌ها کاربه‌ده‌ستانی تایوانیش کۆبوونه‌وه‌یان له‌گه‌ڵ نوێنه‌ری خودی سه‌رۆکی فلیپیندا ڕه‌تکرده‌وه‌ که‌ به‌ مه‌به‌ستی داواکردنی لێبوردن ناردبووی بۆ تایوان.

ژیانگ ییهوا، سه‌ره‌ک وه‌زیری تایوان داوی لێبوردنه‌که‌ی ڕه‌تکرده‌وه‌ چونکه‌ سه‌رۆکی فلیپین گوتوویه‌تی ئه‌و ته‌قه‌ کردنه‌ به‌بێ مه‌به‌ست بووه‌ و به‌د به‌ختیش بووه‌.
XS
SM
MD
LG