Accessibility links

دکتۆر به‌نگی حاجۆ: گه‌شبینه‌ به‌ کۆنفڕانسی نێونه‌ته‌وه‌یی‌ ئه‌گینا کوشتن له ‌سوریا هه‌روا به‌ردوام ده‌بێت

  • مۆعته‌به‌ر شێروانی

دکتۆر به‌نگی حاجۆ

دکتۆر به‌نگی حاجۆ

دووشه‌ممه‌، سه‌ره‌ک وه‌زیری تورکیا ڕه‌جه‌ب ته‌یب ئه‌ردۆغان گوتی وڵاته‌که‌ی به‌ هیچ شێوه‌یه‌ک دوودڵ نابێت له‌ وه‌ڵامدانه‌وه‌ی سوریا له‌ به‌رامبه‌ر هه‌ردوو ته‌قینه‌وه‌که‌ی شـارۆچکه‌ی ڕه‌یحانلی که‌ بووه‌ مایه‌ی کوژرانی 46 که‌س و بریندار بوونی زیاتر له‌ 150 که‌س.
ئه‌ردۆغان گوتیشی تورکیا هیچ گومانێـکی له‌وه‌دا نیـیه‌ که‌ سوریا ده‌سـتی له‌و هێرشه‌دا هه‌بێت.
حکومه‌تی سوریا نکوڵی ده‌کات له‌وه‌ی ده‌سـتی له‌و هێرشه‌دا هه‌بووبێت.
دکتۆر به‌نگی حاجۆ نوسه‌ری کورد بنکه‌ له‌ سوید ده‌ڵێت له‌گه‌ڵ سه‌ره‌ک وه‌زیر هاوڕایه‌ که‌ سوریا له‌پشت ته‌قیینه‌وه‌کان دا‌بووه‌. ئه‌و ده‌ڵێت مه‌به‌ستیش له‌ بار بردنی پرۆسه‌ی ئاشتی نێوان کورد و حکومه‌تی تورکیایه‌.
سه‌باره‌ت به‌ کۆنفرانسی نێونه‌ته‌وه‌یی پێشنیاز کراو له‌ لایه‌ن ئه‌مه‌ریکا و ڕوسیا به‌ ئامانجی چاره‌سه‌ری شه‌ری ناوخۆی سوریا، دکتۆر حاجو ده‌ڵێت گه‌ش بینه‌ به‌و کۆنفڕانسه‌ ئه‌گینا کوشتن له‌و وڵاته‌ هه‌روا به‌ردوام ده‌بێت. ئه‌و ده‌ڵێت پێویسته‌ هه‌مو لایه‌نه‌کان به‌ کورد، عه‌له‌وی، سوننه‌کان، و ...، به‌ ناسنامه‌ی خۆیان به‌شداری له‌م کۆنفڕانسه‌ دا بکه‌ن و ده‌بێت عاقڵداره‌کان نه‌ک به‌ته‌نیا سیاسه‌تمه‌داره‌کان ڕۆڵیان له‌ ئاوه‌دانکردنه‌وه‌ی سوریای نوێدا ‌هه‌بێت چونکه‌ سیاسییه‌کان به‌دوای به‌رژه‌وه‌ندی خۆیان ده‌که‌ون.
XS
SM
MD
LG