Accessibility links

فڕۆکه‌یه‌کی جه‌نگی تورکیا له‌ نزیک سـنووری سوریا ده‌که‌وێته‌ خوارێ

  • VOA News

کاربه‌ده‌سـتانی تورکیا ئه‌مڕۆ دووشه‌ممه‌ ڕایانگه‌یاند، فڕۆکه‌یه‌کی جه‌نگیـیان که‌وتووه‌ته‌ خوارێ و پارچه‌کانی له‌ ناوچه‌یه‌کی شـاخاوی له‌ نزیک سـنووری سوریا دۆزراوه‌ته‌وه‌.
جه‌لاله‌دین جه‌ڕاح فه‌رمانڕه‌وای پارێزگای عوسمانیـیه‌ گوتی تیمه‌کانی فریاکه‌وتن به‌رده‌وامن له‌ گه‌ڕانیاندا به‌ دوای فڕۆکه‌وانه‌که‌ که‌ به‌ر له‌وه‌ی خۆی هه‌ڵبدات ئاگاداری کردوونه‌ته‌وه‌.
پـێشـتر له‌شـکری تورکیا گوتی په‌یوه‌ندی به‌ فڕۆکه‌یه‌کی F-16 ی بڕاوه‌ که‌ به‌سه‌ر عوسمانیـیه‌وه‌ فڕیوه‌.
ته‌له‌فیزیۆنی NTV تورکی ڕایگه‌یاند ڕووداوه‌که‌ پـێده‌چێت زیاتر به‌ ڕێـکه‌وت بووبێت.
جێی وه‌بیرهێنانه‌وه‌یه‌ له‌ مانگی شه‌شی سـاڵی ڕابردوو هێزه‌کانی سوریا فڕۆکه‌یه‌کی دیده‌وانی له‌شـکری تورکیایان خسته‌ خوارێ، ئه‌مه‌ش گرژیـیه‌کانی نێوان ئه‌و دوو وڵاته‌ی پـترکرد.
XS
SM
MD
LG