Accessibility links

ئه‌مه‌ریکا و به‌ریتانیا به‌ڵێن ده‌ده‌ن سوریایه‌کی نوێی دیموکرات بهێنـنه‌ دی

  • VOA News

سه‌رۆکی وڵاته‌ یه‌کگرتووه‌کانی ئه‌مه‌ریکا براک ئۆباما ده‌ڵێت ئه‌مه‌ریکا و به‌ریتانیا به‌ره‌و پـێشـه‌وه‌ هه‌نگاو ده‌نێن له‌ پـلانه‌کانیان بۆ یارمه‌تیدانی زیاتری ئۆپـۆزسیۆنی سوریا و بنیادنانی سوریایه‌کی نوێی به‌بێ به‌شـار ئه‌سه‌د.
سه‌رۆک ئۆباما ئه‌مڕۆ دووشه‌ممه‌ له‌ کۆنگره‌یه‌کی ڕۆژنامه‌وانی هاوبه‌شـدا له‌گه‌ڵ سه‌رۆک وه‌زیری به‌ریتانیا ده‌یڤد کامیرۆن له‌ کۆشکی سـپی ئه‌مه‌ی ڕاگه‌یاند و گوتی ئه‌مه‌ریکا و به‌ریتانیا به‌رده‌وام ده‌بن له‌ پشـتیوانیکردنی ئۆپـۆزسیۆنی میانڕه‌وی سوریا. گوتیشی هه‌ردوو وڵات له‌ میانه‌ی کۆنگره‌یه‌کی نێوده‌وڵه‌تی له‌م نزیکانه‌دا کارده‌که‌ن به‌ ئاڕاسته‌ی پـێـکهێنانی ده‌سـته‌یه‌کی کاتی بۆ حوکمڕانیکردنی سوریا.
سه‌رۆک وه‌زیری به‌ریتانیاش لای خۆیه‌وه‌ ئه‌ویش به‌ڵێنی دا زیاتر پشـتگیری ئه‌ندامه‌ میانڕه‌وه‌کانی ئۆپـۆزسیۆنی سوریا بکات، گوتی ئه‌گه‌ر ئێمه‌ ئه‌و کاره‌ نه‌که‌ین، ئه‌وا نابێت سه‌رسـام بـبین کاتێـک‌ که‌سـانی توندڕه‌و په‌یداده‌بن.
XS
SM
MD
LG