Accessibility links

په‌رله‌مانتارانی ئێران سـکاڵایه‌ک له‌ دژی ئه‌حمه‌دی‌نه‌ژاد مۆرده‌که‌ن


به‌پـێی هه‌واڵێـک زیاتر له‌ نیوه‌ی په‌رله‌مانتارانی ئێران سـکاڵایه‌کیـیان له‌ دژی مه‌حمود ئه‌حمه‌دی‌نه‌ژاد مۆرکردووه‌ له‌ پاش یاوه‌ریکردنی ڕاوێژکاره‌که‌ی ئه‌سفه‌ندیار ڕه‌حیم مه‌شـائی له‌ ده‌می خۆناونووسکردنی بۆ هه‌ڵبژاردنه‌کانی سه‌رۆکایه‌تی.
ئاژانسی ده‌نگ‌وباسی مێهری نیمچه‌ فه‌رمی ئێران، ئه‌مڕۆ دووشه‌ممه‌ ڕایگه‌یاند زیاتر له‌ 150 په‌رله‌مانتار له‌ کۆی 290 ئه‌ندام په‌رله‌مانی ئێران ناوی خۆیان نووسیوه‌ له‌ لیستی ئه‌وانه‌ی داوا له‌ شورای نیگهبان(ئه‌نجومه‌نی چاودێری ده‌سـتور) ده‌که‌ن لێـکۆڵینه‌وه‌ بکات له‌باره‌ی ئایا مه‌حمود ئه‌حمه‌دی نه‌ژاد به‌و کاره‌ی یاسای پـێشـێلکردووه‌ یان نا.
ماڵپه‌ڕی ئه‌حمه‌دی‌نه‌ژاد ده‌ڵێت ئه‌و یاسای پـێشـێل نه‌کردووه‌، چونکه‌ کاتێـک ڕۆژی شه‌ممه‌ له‌گه‌ڵ مه‌شـائیدا ڕۆیشتووه‌ له‌ پـشـوودا بووه‌.
XS
SM
MD
LG