Accessibility links

ئه‌ردۆغان: تورکیا هیچ دوودڵ نابێت له‌ وه‌ڵامدانه‌وه‌ی سوریا


سه‌رۆک وه‌زیری تورکیا ڕه‌جه‌ب ته‌یب ئه‌ردۆغان ده‌ڵێت وڵاته‌که‌ی به‌ هیچ شێوه‌یه‌ک دوودڵ نابێت له‌ وه‌ڵامدانه‌وه‌ی سوریا له‌ به‌رامبه‌ر هه‌ردوو ته‌قینه‌وه‌که‌ی شـارۆچکه‌ی ڕه‌یحانلی، به‌ڵام له‌گه‌ڵ ئه‌وه‌دا حکومه‌ته‌که‌ی وریایه‌ و خۆی لاده‌دات له‌وه‌ی تورکیا بۆ شه‌ڕی ناوخۆی سوریا ڕابکێشرێت.
ئه‌ردۆغان ئه‌مڕۆ دووشه‌ممه‌ ئه‌مه‌ی ڕاگه‌یاند و گوتی تورکیا هیچ گومانێـکی له‌وه‌دا نیـیه‌ که‌ سوریا ده‌سـتی له‌و هێرشه‌دا هه‌بێت و ده‌ڵێت حکومه‌تی سوریا درۆ ده‌کات که‌ نکوڵی له‌ به‌رپـرسیارێتی خۆی له‌و هێرشه‌ ده‌کات.
سه‌رۆک وه‌زیری تورکیا گوتی" ناکه‌وینه‌ ته‌ڵه‌که‌وه‌، به‌ڵام وه‌ڵامی پـێویستی خۆمان له‌ کاتی پـێویستی خۆماندا ده‌ده‌ینه‌وه‌ و هیچ تیایدا دوودڵ نابین."
حکومه‌تی سوریا لای خۆیه‌وه‌ نکوڵی ده‌کات له‌وه‌ی ده‌سـتی له‌و هێرشه‌دا هه‌بووبێت که‌ بووه‌ مایه‌ی کوژرانی 46 که‌س.
XS
SM
MD
LG