Accessibility links

دکتۆر فه‌رهاد ئه‌تروشی : ناکۆکیه‌ ناوخۆییه‌کانی عێراق له‌سه‌ر سیاسه‌تی ده‌ره‌وه‌یی وڵاته‌که‌ش ڕه‌نگی داوه‌ته‌وه‌


دکتۆر فه‌رهاد ئه‌تروشی
دکتۆر فه‌رهاد ئه‌تروشی
سه‌رۆکی په‌رله‌مانی عێراق له‌ میانه‌ی سه‌ردانه‌ کورته‌که‌یدا بۆ تورکیا له‌گه‌ڵ ڕه‌جه‌ب ته‌یب ئه‌ردۆغان سه‌ره‌ک وه‌زیری تورکیادا تاووتوێی په‌یوه‌ندی دوولایه‌نه‌ی نێوان هه‌ردوو وڵات ده‌کات و هه‌روه‌هاش چۆنیه‌تی به‌ره‌وپێشبردنی.ئه‌م سه‌ردانه‌ی ئوسامه‌ نوجه‌یفی بۆ ئانکه‌ره‌ له‌ ده‌مێکدایه‌ که‌ په‌یوه‌ندیه‌ دیپلۆماسیه‌کانی نێوان حکومه‌تی هه‌ردوو وڵات له‌ ڕه‌وشێکی خراپدایه‌ به‌هۆی ئه‌و ڕوانینانه‌ی له‌سه‌ر دۆسێکانی ناوچه‌که‌ هه‌ن و له‌وانه‌ دۆزی سوریا.


دکتۆر فه‌رهاد ئه‌تروشی، ئه‌ندامی په‌رله‌مانی عێراق له‌سه‌ر لیستی هاوپه‌یمانی کوردستانی ده‌ڵێت ده‌مێکه‌ باس له‌وه‌ کراوه‌ که‌ عێراق وه‌ک وڵاتێک خاوه‌نی سیاسه‌تێکی ده‌ره‌وه‌یی ڕوون و ئاشکرا نییه‌ و هۆکاره‌ سه‌ره‌کیه‌که‌ش وه‌ک دکتۆر ئه‌تروشی ده‌ڵێت ده‌گه‌ڕێته‌وه‌ بۆ ئه‌و کێشه‌ و ناکۆکیانه‌ی له‌ نێوان پێکهاته‌ سه‌ره‌کیه‌کانی وڵاته‌که‌داهه‌ن به‌تایبه‌تیش ئه‌و ئاڵۆزیانه‌ی له‌ نێوان شیعه‌کان و سوننه‌کانی وڵاته‌که‌دا هه‌ن.

له‌ میانه‌ی وتووێژه‌که‌یدا له‌گه‌ڵ به‌ڵێن ساڵح، دکتۆر گه‌رهاد ئه‌تروشی ئاماژه‌ش به‌وه‌ ده‌کات که‌ دید و بۆچونه سیاسیه‌کانی نوری ئه‌لمالیکی سه‌ره‌ک وه‌زیری وڵاته‌که‌ و ئوسامه‌ نوجه‌یفی سه‌رۆکی په‌رله‌مان جیاوازن له‌ یه‌کتر هه‌م له‌ ڕوانگه‌ی به‌ڕێوه‌بردنی وڵاته‌که‌ و هه‌میش له‌ ڕوانگه‌ی سیاسه‌تی ده‌ره‌وه‌ییه‌وه‌ و هه‌ر یه‌که‌شیان وه‌ک دکتۆر فه‌رهاد ده‌ڵێت ده‌خوازێت به‌پێی ڕوانینی خۆی سیاسه‌تی ده‌روه‌یی عێراق به‌ڕێوه‌ به‌رێت.

زانیاری زیاتر له‌ ده‌قی وتووێژه‌که‌دایه‌:
please wait

No media source currently available

0:00 0:00:00 0:00
Direct link
XS
SM
MD
LG