Accessibility links

په‌که‌که‌ ده‌ڵێت له‌ سبه‌ی چوارشه‌ممه‌وه‌ پـرۆسه‌ی کشـانه‌وه‌ی هێزه‌کانی له‌ تورکیا ده‌سـتپـێده‌کات

  • VOA News

پارتی کرێـکارانی کوردسـتان پـشـتڕاستی کرده‌وه‌ که‌وا له‌ سبه‌ی چوارشه‌ممه‌وه‌ ده‌سـتده‌کات به‌ کشـانه‌وه‌ی هێزه‌کانی له‌ ناو تورکیاوه‌ بۆ بنکه‌کانی له‌ هه‌رێمی کوردسـتانی عێراق.
ئه‌مڕۆ له‌ ڕاگه‌یاندنێـکدا سه‌رهه‌ڵـداوانی کورد ئه‌مه‌یان ڕاگه‌یاند و گوتیان ڕۆژی چوارشه‌ممه‌ یه‌که‌م هێزیان ده‌ست به‌ کشـانه‌وه‌که‌ی ده‌کات و له‌ ماوه‌ی هه‌فته‌یه‌کدا ده‌گه‌نه‌ بنکه‌کانیان له‌ هه‌رێمی کوردسـتان.
هه‌روه‌ها سه‌رهه‌ڵـداوان داوا له‌ حکومه‌تی تورکیا ده‌که‌ن جموجۆڵه‌ سه‌ربازیـیه‌کانی خۆی له‌ ناوچه‌که‌ ڕابگرێت، تاوه‌کو کۆسپ و گرفت له‌ به‌رده‌م کشـانه‌وه‌ی هێزه‌کان دروسـت نه‌بێت.
ئه‌م هه‌نگاوه‌ له‌ چوارچێوه‌ی ئه‌و پـرۆسه‌ی ئاشـتیه‌یه‌ که‌ له‌ تورکیا ده‌سـتیپـێـکردووه‌ بۆ چاره‌سه‌رکردنی مه‌سه‌له‌ی کوردی له‌و وڵاته‌.
سه‌ڵاحه‌دین ده‌میرتاش هاوسه‌رۆکی پارتی ئاشـتی و دیموکراسی ده‌ڵێت پـرۆسه‌ی کشـانه‌وه‌ی ته‌واوی هێزه‌کانی په‌که‌که‌ سێ بۆ چوار مانگی ده‌وێت.
XS
SM
MD
LG