Accessibility links

له‌ ئاکامی ته‌قینه‌وه‌ی بۆمبێـک له‌ هه‌ڵمه‌تێـکی هه‌ڵبژاردندا له‌ پاکسـتان 20 که‌س ده‌کوژرێن

  • VOA News

بۆمبێـک له‌ نێو هه‌ڵمه‌تێـکی هه‌ڵبژاردندا ئه‌مڕۆ دووشه‌ممه‌ له‌ باکوری ڕۆژئاوای پاکسـتان ته‌قیوه‌ته‌وه‌ و له‌ ئاکامدا به‌ لایه‌نی که‌م 20 که‌س کوژراون و به‌ ده‌یان که‌سی دیکه‌ برینداربوون.
ته‌قینه‌وه‌که‌ له‌ گردبوونه‌وه‌یه‌کی پارتی جه‌ماعه‌تی عوله‌مای ئیسلامی له‌ ناوچه‌ی کوڕامی نزیک سـنووری ئه‌فغانسـتان ڕوویدا.
تاڵیبانی پاکسـتان به‌رپـرسیارێتی خۆی له‌ هێرشه‌که‌ ڕاگه‌یاند و گوتی ئامانجیان سیاسه‌تمه‌داری گه‌وره‌ی خێڵه‌کی مونیر ئۆراکزای بوو که‌ بۆخۆشی په‌رله‌مانتارێـکی سه‌ربه‌خۆی لایه‌نگری حکومه‌ته‌.
تاڵیبان ده‌ڵێت ئۆراکزای که‌ به‌ سووکی له‌ هێرشه‌که‌دا برینداربووه‌ هێشـتا له‌ لیسـتی ئه‌وانه‌دا ماوه‌ته‌ بۆ کوشتن، به‌هۆی پـشـتیوانیکردنی له‌ پارتی گه‌لی پاکسـتان و پارته‌ سیکیولاره‌کانی دیکه‌ی وڵاته‌که‌.
XS
SM
MD
LG