Accessibility links

له‌ مالێزیا، هاوپه‌یمانێتی ده‌ستهه‌ڵاتداری له‌مێژینه‌ هه‌ڵبژاردنه‌کانی گشتی ده‌باته‌وه‌

  • VOA News

یه‌کشه‌ممه‌ له‌ مالێزیا هه‌ڵبژاردنی نیشتیمانی به‌ڕیوه‌ چوون‌ و هاوپه‌یمانێتی ده‌ستهه‌ڵاتداری له‌ مێژینه تێدا سه‌رکه‌وت و توانی بۆگه‌ڕێکی تریش درێژه‌ به‌ ده‌ستهه‌ڵاتی بدات که‌ بۆ ماوه‌ی56 ساڵی به‌رده‌وامی ده‌ ده‌ستی دابووه وشکست به به‌‌هێزترین ئۆپۆزسیۆنی تا ئیستا ڕووبه‌ڕوی وه‌ستابو‌ بهێنێت.
کۆمیسیۆنی هه‌ڵبژاردنه‌کان ڕایگه‌یاند هاوپه‌یمانێتی به‌ره‌ی نیشتیمانی سه‌ره‌ک وه‌زیر نه‌جیب ڕه‌زاق 112 کورسی له‌ په‌‌رلمانی 222 کورسییه‌ برده‌وه‌ تا ببێته‌ زۆرینه له‌په‌رلمان.
به‌ پێی دوو له‌سه‌ر سێی ئه‌و ده‌نگانه‌ی ژمێردراون، هاوپه‌یمانێتی 3 پارتی ئۆپۆزسیۆن به‌ ڕێبه‌رایه‌تی ئه‌نوه‌ر ئیبراهیم 57 کورسی وه‌ده‌ست هێناون.
زیاتر له‌ 10 ملیۆن که‌س ده‌نگیان دا که‌ ده‌بێته‌ هه‌شتا له‌سه‌دی ده‌نگده‌ران و تا ئێستا پێشینه‌ی نه‌بووه‌.
ئه‌مه‌ 13هه‌مین سه‌رکه‌وتنی به‌رده‌وامی به‌ره‌ی نیشتیمانی بوو له‌ هه‌ڵبژاردنه‌ گشتییه‌کاندا له‌وه‌تای سه‌ربه‌خۆیی مالێزیا له‌ به‌ر‌یتانیا له‌ ساڵی 1957. بڵۆکی ده‌ستهه‌ڵاتدار له‌ لایه‌ن ڕێکخراوی نیشتیمانی یه‌کگرتوی مالێزیا هی به‌ڕێز ڕه‌زاق ڕێبه‌ری ده‌کرێت. ئه‌م بلۆکه‌ ڕووبه‌ڕووی هاوپه‌یمانێتی یه‌کگرتووی سه‌ختی ئۆپۆزسیۆن بو که‌ هیوادار بوو ناڕه‌زایه‌تییه‌کان له‌دژی حکومه‌ت به‌ قازانجی خۆی به‌کار بهێنێت‌ وه‌ک تاوانی له ‌خۆبایی، خه‌راپ به‌کارهێنانی سامانی گشتی و فه‌رق و جیاوازی نژادی.
ئۆپۆزسیۆن کۆنتڕۆڵی ویلایه‌تی پێنانگ له‌ باکوری ده‌ده‌ست خۆ دا هێشته‌وه‌ و له‌ کوالا لامپور گه‌وره‌ترین شاری وڵات وه‌ک جاران به‌ هێز مایه‌وه‌.
XS
SM
MD
LG