Accessibility links

سوریاییه‌کان 7 که‌س له‌سه‌ر سنوری تورکیا بریندار ده‌که‌ن


تورکیا ده‌ڵێت ژماره‌یه‌ک سوریایی هێرشیان کردۆته‌ سه‌ر کاربه‌ده‌ستانی سنوریی تورکیا و ئاگریان به‌رداوه‌ته‌ شوێنی پاسه‌وانه‌کانی سنور و چه‌پ و ڕاست ده‌ستیان به‌ ته‌قه‌کردن کردووه‌ به‌ ئاڕاسته‌ی تورکیادا وه‌ک کاربه‌ده‌ستان ده‌ڵێن پاش ئه‌وه‌ی ڕێ له‌و چه‌کدارانه‌ گیراوه له‌وه‌ی بچنه‌ ناو خاکی تورکیاوه‌.

کاربه‌ده‌ستان گوتوویانه‌ له‌و ڕووداوه‌دا 7 که‌س بریندار بوون.

عه‌بدولحه‌کیم ئایهان، شاره‌وانی شارۆچکه‌ی ئاکجه‌کاڵ به‌ که‌ناڵی ته‌له‌فزیۆنی ئێن تی ڤی گوتووه‌ 3 کاربه‌ده‌ستی پۆلیس و دوو سه‌رباز و دوو که‌سی سیڤیڵیش له‌و ڕووداوه‌دا بریندارن کاتێک چه‌کداره‌ سوریاییه‌کان به‌ ئاڕاسته‌ی ده‌روازه‌ی سنوریی شارۆچکه‌که‌دا ته‌قه‌یان کردووه‌.

ئایهان ده‌شڵێت ڕه‌تکردنه‌وه‌ی ڕێگه‌دانی ئه‌و سوریاییانه‌ بۆ هاتنه‌ ناو خاکی تورکیاوه‌ ده‌گه‌ڕێته‌وه‌ بۆ ئه‌وه‌ی که‌ره‌سته‌ و که‌ل و په‌لی قه‌ده‌غه‌کراویان پێبووه‌.

ئاژانسی ده‌نگ و باسی دۆگان ده‌ڵێت باری ئاسایش له‌و ناوچه‌ سنوریه‌ له‌گه‌ڵ سوریادا جێگیر بۆته‌وه‌ پاش ئه‌وه‌ی هێزی زیاتری ئاسایشی لێ دانرا. ‌
XS
SM
MD
LG