Accessibility links

له‌ چوارچێوه‌ی لێـکۆڵینه‌وه‌کانی په‌یوه‌ست به‌ ته‌قینه‌وه‌کانی بۆستن 3 گومانبار ده‌سـتگیرده‌کرێن

  • VOA News

پـۆلیسی بۆستن ئه‌مڕۆ چوارشه‌ممه‌ ڕایگه‌یاند، له‌ په‌یوه‌ندی به‌ لێـکۆڵینه‌وه‌کانی په‌یوه‌ست به‌ هه‌ردوو ته‌قینه‌وه‌ خوێناویـیه‌که‌ی بۆستن 3 که‌سی گومانبار ده‌سـتگیرکراون.
لێـکۆڵه‌ره‌وان هێشتا ناسـنامه‌ی گومانباره‌کانیان ئاشـکرا نه‌کردووه‌ و هه‌روه‌ها هه‌تا چه‌ند په‌یوه‌ندیـیان به‌و دوو ته‌قینه‌وه‌یه‌ هه‌یه‌ که‌ بوونه‌ مایه‌ی کوژرانی 3 که‌س و برینداربوونی زیاتر له‌ 250 که‌سی دیکه‌ له‌ میانه‌ی ئه‌و پـێشـبڕکێـی ماراثۆنه‌ی له‌ 15 ی مانگی ڕابردوودا له‌ شـاری بۆسـتن به‌ڕێوه‌چوو.
پـۆلیس ده‌ڵێت له‌ داهاتوو زانیاری زیاتر له‌ باره‌ی ده‌سـتگیرکردنی ئه‌م 3 گومانباره‌ ئاشـکرا ده‌کات. هاوکات له‌ ڕێگه‌ی تویته‌ره‌وه‌ پـۆلیس خه‌ڵـکی ئاگادارکردووه‌ته‌وه‌ که‌وا هیچ هه‌ڕه‌شه‌یه‌ک بۆ سه‌ریان نیـیه‌.
جێی ئاماژه‌یه‌ ده‌سه‌ڵاتداران هه‌تا چه‌ند ڕۆژێـکیش له‌مه‌وبه‌ر ده‌یانگوت له‌و بڕاویه‌دان ئه‌و دوو برایه‌ (ته‌یمورلان و جه‌وهه‌ر) به‌خۆیان ئه‌و دوو ته‌قینه‌وه‌یان ئه‌نجامداوه‌.
XS
SM
MD
LG