Accessibility links

ئۆباما ده‌ڵێت ڕووسیا هاوکاری ئه‌مه‌ریکا ده‌کات له‌ لێـکۆڵینه‌وه‌کانی په‌یوه‌ست به‌ ته‌قینه‌وه‌کانی بۆستن

  • VOA News

سه‌رۆک ئۆباما ده‌ڵێت ڕووسیا زۆر له‌گه‌ڵ ده‌سه‌ڵاتدارانی ئه‌مه‌ریکا هاوکاربووه‌، له‌وه‌تای ته‌قینه‌وه‌کانی بۆستن ڕوویانداوه‌ و‌ دوو برای چیچانی نه‌ژاد به‌ ئه‌نجامدانی تاوانبارکراون.
ئه‌مڕۆ سێشه‌ممه‌ له‌ کۆنگره‌یه‌کی ڕۆژنامه‌وانیدا له‌ کۆشـکی سـپی گوتی سه‌رۆکی ڕووسیا ڤلادیمیر پـوتن به‌ڵێنی داوه‌ کاربه‌ده‌سـتانی ڕووسیا نه‌ک هه‌ر ته‌نها هاریکاری ئه‌مه‌ریکا بکه‌ن له‌ ڕووداوه‌که‌ی بۆستندا، به‌ڵـکو له‌ هه‌موو مه‌سه‌له‌کانی په‌یوه‌ستن به‌ شه‌ڕی دژه‌ تێرۆره‌وه‌یه‌.
سه‌رۆک ئۆباما گوتیشی هه‌رچه‌نده‌ هێشـتا گومان له‌ نێو ئاژانسه‌کانی ئه‌مه‌ریکا و ڕووسیادا هه‌یه‌، ئه‌وه‌ش ده‌گه‌ڕێته‌وه‌ بۆ سه‌رده‌می شه‌ڕی سـارد ، به‌ڵام په‌یوه‌ندیـیه‌کان به‌ره‌و باشی ده‌ڕوات.
ڕۆژی دووشه‌ممه‌ سه‌رۆک ئۆباما و ڤلادیمیر پـوتن به‌ ته‌له‌فون وتووێژیان کرد له‌ باره‌ی هاریکاریکردنی هه‌ردوو وڵات له‌ مه‌سه‌له‌ ئاسایشیـیه‌کاندا ، له‌وانه‌ پاراستنی ئاسایشی یاریـیه‌کانی ئۆلۆمپـی زسـتانه‌ی 2014 که‌ بڕیاره‌ له‌ شـاری سوچی ڕووسیا به‌ڕێوه‌بچێت.
XS
SM
MD
LG