Accessibility links

سه‌رۆک ئۆباما: پـێویسته‌ هه‌موو ڕاستیـیه‌کان له‌ باره‌ی چه‌کی کیمیاوی سوریا بزانین به‌ر له‌وه‌ی بڕیاربده‌ین

  • VOA News

براک ئۆباما سه‌رۆکی وڵاته‌ یه‌کگرتووه‌کانی ئه‌مه‌ریکا ده‌ڵێت وڵاته‌که‌ی جارێـکی دیکه‌ تاووتوێی بژاره‌کانی خۆی ده‌کات له‌ چۆنێتی مامه‌ڵه‌کردن له‌گه‌ڵ سوریادا ئه‌گه‌ر هاتوو توانرا بسه‌لمێندرێت حکومه‌تی به‌شـار ئه‌سه‌د چه‌کی کیمیاوی له‌ دژی خه‌ڵـکی خۆی به‌کارهێناوه‌.
سه‌رۆک ئۆباما ئه‌م هه‌ڵوێسته‌ی ئه‌مه‌ریکای دووپاتکرده‌وه‌ له‌ میانه‌ی کۆنگره‌یه‌کی ڕۆژنامه‌وانیدا ئه‌مڕۆ سێشه‌ممه‌ له‌ ڕێـکه‌وتی تێپه‌ربوونی 100 ڕۆژ به‌سه‌ر ده‌سـتبه‌کاربوونه‌وه‌ی وه‌ک سه‌رۆک له‌ گه‌ڕی دووه‌می سه‌رۆکایه‌تیـیه‌که‌یدا.
به‌ڵام سه‌رۆک ئۆباما گوتی ئه‌و پـێویستی به‌ زانینی ته‌واوی ڕاستیـیه‌کان هه‌یه‌ به‌ر له‌وه‌ی هه‌ر بڕیارێـک بدات. گوتیشی له‌ سـاڵی ڕابردووه‌وه‌ داوای له‌ وه‌زاره‌تی به‌رگری و ده‌زگای زانیاری له‌شـکری کردووه‌ ئاماده‌کاری بکه‌ن بۆ هه‌ر حاڵه‌تێـک له‌ سوریا ڕووبدات.
XS
SM
MD
LG