Accessibility links

کاربه‌ده‌ستانی سوریا نکوڵی له‌ به‌کارهێنانی چه‌کی کیمیاوی دژ به‌ سه‌رهه‌ڵداوان ده‌که‌ن.

  • VOA News

دوو کاربه‌ده‌ستی سوری نکوڵیان له‌وه‌ کردووه‌ حکومه‌ت چه‌کی کیماوی دژ به‌ هێزه‌کانی سه‌رهه‌ڵداوان به‌کارهێنابێت.
ئه‌م نکۆڵی کردنه‌ش دوابه‌دوای لێدوانه‌کانی کۆشکی سپی و کاربه‌ده‌ستانی باڵای به‌ڕێوه‌به‌رایه‌تی ئۆباما بوو که‌ ڕایانگه‌یاند به‌ پێی زانیارییه‌کانی ئه‌مه‌ریکا حکومه‌تی سوریا‌ له‌ ئاستی جۆراوجۆردا دوو جار چه‌کی کیمیاوی له‌ شه‌ڕی ناوخۆیدا به‌کار‌هێناوه‌.
کاربه‌ده‌ستێکی حکومه‌تی سوریا ده‌ڵێت حکومه‌ت نه‌ چه‌کی کیماوی به‌کار هێناوه‌ و نه‌ به‌کاریشی ده‌هێنێت ته‌نانه‌ت ئه‌گه‌ر هه‌شیبێت.
ئه‌م کاربه‌ده‌سته‌ له‌ ڕۆژی هه‌ینی بۆ ئه‌سۆشییه‌تت پرێس لێدوانی دا به‌ مه‌رجێک ناوی ئاشکرا نه‌کرێت چوونکه‌ مافی ئه‌وه‌ی نییه‌ زانیاری به‌ میدیا بدات.
XS
SM
MD
LG