Accessibility links

کۆمپانیای سامسۆنگ خزمه‌تگوزاریه‌کانی له‌ ئێران ده‌وه‌ستێنێت

  • VOA News

ئه‌وانه‌ی له‌ ئێران به‌رنامه‌کانی مۆبایلی سامسۆنگ به‌کارده‌هێنن ده‌ڵێن ئاگادار کراونه‌ته‌وه‌ له‌ ڕۆژی 22 مانگی 5 ه‌وه‌ ناتوانن له‌ڕێی ئینته‌رنێته‌وه‌ خزمه‌تگوزاری کۆمپانیاکه‌ به‌کاربهێنن.

به‌کارهێنه‌رانی به‌رنامه‌کانی سامسۆنگ ده‌ڵێن دره‌نگانێکی ڕۆژی چوارشه‌ممه‌ به‌ ئیمه‌یل ئاگادارکراونه‌ته‌وه‌ و نوێنه‌رانی کۆمپانیاکه‌ش له‌ تاران گوتویانه‌ هیچ ده‌سه‌ڵاتێکیان نییه‌ به‌سه‌ر ئه‌و بڕیاره‌دا.

نوێنه‌رانی کۆمپانیاکه‌ ده‌ڵێن ته‌نها بڕیاره‌که‌یان بیستووه‌ و به‌رپرسیارێتیشیان ته‌نها بۆ ته‌له‌فونه‌کانه‌ نه‌ک به‌رنامه‌ کۆمپیوته‌رییه‌کانی کۆمپانیاکه‌.

کۆمپانیای سامسۆنگ ده‌ڵێت له‌به‌ر هۆکاری یاسایی ئه‌و بڕیاری قه‌ده‌غه‌کردنه‌ی ڕاگه‌یاندووه‌.

زۆرێک له‌ ئێرانیه‌کان ئه‌م هه‌نگاوه‌ وه‌ک به‌شێک له‌ سزا نێونه‌ته‌وه‌ییه‌کان داده‌نێن که‌ به‌هۆی به‌رنامه‌ ناوکیه‌ مشت و مڕ له‌سه‌ره‌که‌یه‌وه‌ سه‌پێندراونه‌ته‌ سه‌ر کۆماری ئیسلامی ئێران.
XS
SM
MD
LG