Accessibility links

که‌نه‌دا دوو که‌س ده‌سـتگیرده‌کات به‌ تاوانی هه‌وڵی تێرۆرستی به‌ پشـتیوانی ئه‌لقاعیده‌

  • VOA News

پـۆلیسی که‌نه‌دا ده‌ڵێت دوو که‌سیان ده‌سـتگیرکردووه‌ به‌ تاوانی هه‌وڵی ئه‌نجامدانی کاری تێرۆرسـتی به‌ پشـتیوانی ئه‌لقاعیده‌ له‌ وڵاته‌که‌یاندا.
ئه‌مڕۆ دووشه‌ممه‌ له‌ کۆنگره‌یه‌کی ڕۆژنامه‌وانیدا پـۆلیسی که‌نه‌دا ئه‌مه‌ی ڕاگه‌یاند و گوتی هه‌ردوو گومانباره‌که‌ ناویان شه‌هاب ئه‌لسه‌غیر و ڕائد جاسره‌، یه‌کێـکیان دانیشـتووی مۆنتریاله‌ و ئه‌وی دیکه‌یان تورنتۆ.
ده‌ڵێن ئه‌م جووته‌ به‌ نیازبوون هێرشی تێرۆرستی بکه‌نه‌ سه‌ر شه‌مه‌نده‌فه‌رێـکی نه‌فه‌رهه‌ڵگڕ له‌ تورنتۆ. ده‌شڵێن ئه‌م هه‌وڵه‌ هیچ په‌یوه‌ندی به‌ هه‌ردوو ته‌قینه‌وه‌که‌ی هه‌فته‌ی ڕابردووی شـاری بۆستنه‌وه‌ نیـیه‌.
XS
SM
MD
LG