Accessibility links

یه‌کێتی ئه‌وروپا سـزاکانی سه‌ر نه‌وتی سوریا سووک ده‌کات بۆ یارمه‌تیدانی ئۆپـۆزسیۆن

  • VOA News

وڵاتانی یه‌کێتی ئه‌وروپا قایل بوون له‌سه‌ر سووککردنی ئه‌و سـزایانه‌ی پـێشـتر خستبوویانه‌ سه‌ر پـیشه‌سـازی نه‌وتی سوریا، ئه‌مه‌ش به‌ مه‌به‌سـتی ڕه‌خسـاندنی بوار بۆ ئۆپـۆزسیۆنی سـوریا تاوه‌کو بتوانن نه‌وتی خاوی وڵاته‌که‌ی بفرۆشێت و بـبێته‌ سه‌رچاوه‌یه‌کی دارایی بۆی.
به‌پـێی ئه‌م بڕیاره‌ی ئه‌مڕۆ دووشه‌ممه‌، کۆمپانیا ئه‌وروپایـیه‌کان ده‌توانن نه‌وت له‌ ناوچه‌کانی ژێر ده‌سه‌ڵاتی سه‌رهه‌ڵـداوانی سوریا بکڕن و هه‌روه‌ها ده‌توانن که‌ل‌وپه‌ل و ئامێری پـێویست بۆ پـیشه‌سـازی نه‌وت بۆیان هه‌نارده‌بکه‌ن.
یه‌کێتی ئه‌وروپا له‌ سـاڵی 2011 وه‌ سزای خستبووه‌‌ سه‌ر که‌رتی نه‌وتی سوریا له‌ به‌رامبه‌ر سه‌رکوتکردنی دڕندانه‌ی ڕژێمی به‌شـار ئه‌سه‌د له‌ دژی خه‌ڵـکی ڕاپه‌ڕیوی وڵاته‌که‌ی.
XS
SM
MD
LG