Accessibility links

گه‌وره‌ ئه‌فسه‌ری له‌شـکری ئه‌مه‌ریکا سه‌ردانی کۆریای باشور ده‌کات

  • VOA News

جه‌نه‌ڕاڵ مارتن دێمسی سه‌رۆکی سـتوونه‌ هاوبه‌شه‌کانی له‌شـکری ئه‌مه‌ریکا بۆ ماوه‌یه‌کی کورت له‌ سیۆلی پایته‌ختی کۆریای باشور لایدا، به‌ مه‌به‌سـتی وتووێژکردن له‌گه‌ڵ گه‌وره‌ ئه‌فسه‌رانی کۆری و ئه‌مه‌ریکایی له‌و وڵاته‌.
جه‌نه‌ڕاڵ دێمسی له‌ لایه‌ن جه‌نه‌ڕاڵ جونگ سێونگ جۆ هاوتا کۆریـیه‌که‌ی له‌ وه‌زاره‌تی به‌رگری کۆریای باشور پـێشـوازی لێـکرا.
دێمسی گوتی لادانی له‌ سیۆڵ به‌ر له‌ سه‌ردانه‌که‌ی بۆ چین بۆ زیاتر له‌ نزیکه‌وه‌ ئاگابوونه‌ له‌ دواترین پـێشـهاتی گرژیـیه‌کان له‌ نیمچه‌ دورگه‌ی کۆریا.
گه‌وره‌ ئه‌فسه‌ری ئه‌مه‌ریکا هه‌روه‌ها له‌ میانه‌ی ئه‌م سه‌ردانه‌ 3 کاژمێریـیه‌ی له‌گه‌ڵ جه‌نه‌ڕاڵ جه‌یمس ثێرمه‌ن فه‌رمانده‌ی هێزه‌کانی ئه‌مه‌ریکا له‌ کۆریای باشور کۆبووه‌وه‌.
جێی ئاماژه‌یه‌ پـێشـتر بڕیاربوو هه‌ردوو جه‌نه‌ڕاڵ جونگ سێونگ و جه‌یمس ثێرمه‌ن سه‌ردانی واشنتن بکه‌ن، به‌ڵام به‌هۆی هه‌ڕه‌شه‌کانی ئه‌م دوایـیه‌ی کۆریای باکور سه‌ردانه‌که‌یان هه‌ڵوه‌شـانده‌وه‌.
XS
SM
MD
LG