Accessibility links

ئه‌مه‌ریکا به‌نیازه‌ کۆمه‌کی زیاتری ئۆپـۆزسیۆنی سوریا بکات


کاربه‌ده‌سـتانی ئه‌مه‌ریکا ده‌ڵێن به‌ڕێوه‌به‌رایه‌تی سه‌رۆک ئۆباما بڕیاری داوه‌ به‌ به‌های ملیۆنان دۆلار کۆمه‌کی نا کوشنده‌ی زیاتر پـێشـکه‌شی ئۆپـۆزسیۆنی سوریا بکات.
کاربه‌ده‌سـتان له‌ واشنتن ئه‌مڕۆ هه‌ینی گوتیان چاوه‌ڕوان‌ده‌کرێت جان کێری وه‌زیری ده‌ره‌وه‌ی ئه‌مه‌ریکا ڕۆژی شه‌ممه‌ له‌ میانه‌ی کۆبوونه‌وه‌یه‌کی نێوده‌وڵه‌تی له‌باره‌ی سوریا که‌ له‌ تورکیا سـازده‌کرێت ئه‌م کۆمه‌که‌ نوێـیه‌ ڕابگه‌یه‌نێت.
کاربه‌ده‌سـتان به‌ ئاژانسی ده‌نگ‌وباسی ئه‌سۆشیه‌تد پـرێسـیان گوتووه‌ به‌های کۆمه‌که‌ له‌ نێوان 120 بۆ 130 ملیۆن دۆلار ده‌بێت و بریتیه‌ له‌ گولـله‌به‌ن و ماشێنی زرێپـۆش و دوربینی شه‌و و ئامێری بێ ته‌لی پـێشـکه‌وتوو.
XS
SM
MD
LG