Accessibility links

پـێـکدادان له‌ نێوان ئیسلامیـیه‌کان و نه‌یارانی سه‌رۆک مورسی له‌ میسر ڕووده‌دات

  • VOA News

سه‌دان له‌ لایه‌نگرانی پارته‌ ئیسلامیـیه‌کانی میسر و چالاکوانانی نه‌یاری سه‌رۆکی میسر محه‌مه‌د مورسی ئه‌مڕۆ هه‌ینی له‌ ناوه‌ندی قاهیره‌ی پایته‌خت به‌ یه‌کیان‌دا و له‌ ئاکامدا به‌ ده‌یان که‌س برینداربوون.
پـێـکدادانه‌ پاش ئه‌وه‌ ده‌سـتیپـێـکرد که‌ ئیسلامیـیه‌کان به‌ دروشمی (گه‌ل پاکسـازی دادوه‌ری ده‌وێت) له‌ ده‌وروبه‌ری باره‌گای دادی باڵای وڵاته‌که‌ له‌ قاهیره‌ گردبوونه‌وه‌ بۆ ده‌ربڕینی ناڕه‌زایی به‌رامبه‌ر ده‌زگای دادی وڵاته‌که‌یان که‌ چه‌ند ڕۆژێـک له‌مه‌وبه‌ر دادگایه‌کی بڕیاری ئازادکردنی سه‌رۆکی پـێشـوو حوسنی موباره‌کی دا.
چالاکوانانی نه‌یاری سه‌رۆک مورسیش له‌ مه‌یدانی ئازادی قاهیره‌وه‌ به‌ره‌و باره‌گای داد به‌ڕێـکه‌وتن و له‌وێ له‌گه‌ڵ ئیسلامیـیه‌کاندا پـێـکهه‌ڵپـژان.
تیمی که‌ناڵی (ئه‌لجه‌زیره‌ موباشر) ده‌ڵێت له‌ لایه‌ن خۆپـیشـانده‌رانی سه‌ر به‌ سه‌رۆک مورسیـیه‌وه‌ ده‌سـتدرێژیـیان کراوه‌ته‌سه‌ر، پاش ئه‌وه‌ی ڤیدیۆی ئه‌و چالاکوانه‌یان بڵاوکرده‌وه‌ که‌ ژماره‌یه‌ک له‌ خۆپـیشـانده‌ره‌ ئیسلامیـیه‌کان به‌ لێـدان که‌وتبوونه‌سه‌ری.
XS
SM
MD
LG