Accessibility links

په‌روێز موشه‌ڕه‌ف سه‌رۆکی پـێشووی پاکسـتان ده‌سـتگیرده‌کرێت

  • VOA News

سه‌رۆکی پـێشووی پاکسـتان په‌روێز موشه‌ڕه‌ف ئه‌مڕۆ هه‌ینی ده‌سـتگیرکرا به‌ تۆمه‌تی لابردنی دادوه‌رانی باڵای وڵاته‌که‌ له‌و ده‌مه‌ی له‌ سـاڵی 2007 دا له‌ سه‌رۆکایه‌تیدا بووبوو.
موشه‌ڕه‌ف بۆ باره‌گای پـۆلیسی ئیسلام ئاباد براوه‌ و هه‌تا ئێسـتا ڕوون نیـیه‌ ئایا ڕێگه‌ی پـێده‌ده‌ن بگه‌ڕێته‌وه‌ شوێنی حه‌وانه‌وه‌که‌ی و له‌وێ ده‌سـتبه‌سه‌ربێت هه‌تا ئه‌و ڕۆژه‌ی له‌ به‌رده‌م دادگا ئاماده‌ ده‌بێت.
موشه‌ڕه‌ف که‌ یه‌که‌م سه‌رۆکی پـێشووی له‌شـکری پاکسـتانه‌ هه‌تا ئێسـتا ده‌سـتگیربکرێت، ده‌ڵێت مه‌رامی سیاسی هه‌یه‌ له‌ پشـت ئه‌و تۆمه‌ته‌ی ئاڕاسته‌ی کراوه‌.
ڕۆژی پـێـنجشه‌ممه‌ دادوه‌ر ئاماده‌ نه‌بوو به‌ که‌فاله‌ت موشه‌ڕف ئازادبکات، به‌ڵام ناوبراو له‌گه‌ڵ پاسه‌وانه‌کانی هه‌ڵاتن.
له‌م باره‌یه‌وه‌ شـارۆن بێن په‌یامنێری ده‌نگی ئه‌مه‌ریکا ڕاپـۆرتی ناردووه‌ و موعته‌به‌ر شیروانی به‌ کوردی ئاماده‌ی کردووه‌.
XS
SM
MD
LG