Accessibility links

کۆمه‌ڵێـکی توندڕه‌و به‌رپـرسیارێتی خۆی له‌ هێرشێـکی موشه‌کی بۆ سه‌ر ئیسرائیل ڕاده‌گه‌یه‌نێت


کۆمه‌ڵێـک به‌ ناوی مه‌جلیس شورای موجاهیدین به‌رپـرسیارێتی خۆی له‌و هێرشه‌ موشه‌کیـیه‌ ڕاگه‌یاند که‌ به‌یانی ئه‌مڕۆ چوارشه‌ممه‌ کرایه‌ سه‌ر شـاری ئیلاتی ئیسرائیل.
کۆمه‌ڵه‌که‌ ده‌ڵێت دوو موشه‌کی جۆری گرادی گرتووه‌ته‌ ئه‌و شـاره‌ وه‌ک کاردانه‌وه‌یه‌کی سه‌ره‌تایی له‌ به‌رامبه‌ر به‌ گوته‌ی خۆی به‌رده‌وامی مه‌ینه‌تیـیه‌کانی زیندانیـیانی ناو به‌ندیخانه‌کانی ئیسرائیل و مردنی مه‌یسره‌ ئه‌بو حمدیه‌، ئه‌وه‌ی له‌م دوایـیه‌دا له‌ زیندانێـکی ئیسرائیل به‌ نه‌خۆشی شێرپه‌نجه‌ گیانی له‌ده‌سـتدا.
پـۆلیسی ئیسرائیل ده‌ڵێت له‌ سینای میسره‌وه‌ هێرشه‌که‌ کراوه‌، به‌ڵام هیچ زیانێـکی گیانی نه‌بووه‌.
میسریش لای خۆیه‌وه‌ له‌سه‌ر زمانی عومه‌ر عامر گوته‌بێژی سه‌رۆک محه‌مه‌د مورسی، گوتی وڵاته‌که‌ی لێـکۆڵینه‌وه‌ له‌سه‌ر هێرشه‌که‌ ده‌کات.
XS
SM
MD
LG