Accessibility links

ڕۆیته‌رز: یه‌کێتی ئه‌وروپا به‌ نیازه‌ ڕێـگه‌ بدات به‌ کڕینی نه‌وت له‌ ئۆپـۆزسیۆنی سوریا


ئاژانسی ده‌نگ‌وباسی ڕۆیته‌رز ده‌ڵێت ئه‌مڕۆ چوارشه‌ممه‌ دیـپـلۆماتان گوتوویانه‌ چاوه‌ڕوان‌ده‌کرێت هه‌فته‌ی داهاتوو وڵاتانی یه‌کێتی ئه‌وروپا ڕێنمایـیه‌کانی قه‌ده‌غه‌کردنی کڕینی نه‌وتی سوری سووک بکه‌ن، ئه‌مه‌ش به‌ مه‌به‌ستی ڕێگه‌دان به‌ کڕینی نه‌وتی خاو له‌ ئۆپـۆزسیۆنی سوریا.
ده‌ڵێن بڕیاره‌ وه‌زیرانی ده‌ره‌وه‌ یه‌کێتی ئه‌وروپا له‌ کۆبوونه‌وه‌ی ڕۆژی دووشه‌ممه‌یاندا هه‌روه‌ها به‌ربه‌سـته‌کانی به‌رده‌م فرۆشـتنی ئامێر و که‌ل‌وپه‌لی پـیشه‌سـازی نه‌وت به‌ ئۆپـۆزسیۆن لابه‌رن.
جێی وه‌بیرهێنانه‌وه‌یه‌ له‌ سـاڵی 2011 وه‌ یه‌کێتی ئه‌وروپا بڕیاری قه‌ده‌غه‌کردنی کڕینی نه‌وتی بۆ کۆمپانیا ئه‌وروپایـیه‌کان ده‌رکرد له‌ به‌رامبه‌ر ئه‌و سه‌رکوتکردنه‌ خوێناویـیه‌ی ڕژێمی سوریا له‌ دژی نه‌یارانی خۆی ده‌سـتیپـێکرد.
XS
SM
MD
LG