Accessibility links

ئۆپـۆزسیۆنی سوریا داوا له‌ لوبنان ده‌کات ڕێـگه‌ بگرێت له‌ هاتنی حزبوڵڵا بۆ وڵاته‌که‌یان

  • VOA News

هاوبه‌ندی نیشـتمانی ئۆپـۆزسیۆنی سوریا داوای له‌ حکومه‌تی لوبنان کرد ڕێگه‌ له‌ حزبوڵڵا بگرێت له‌وه‌ی چالاکی له‌ ناو سوریادا ئه‌نجام بده‌ن. هاوکات داواشی له‌ سه‌رهه‌ڵـداوان کرد دان‌به‌خۆیاندابگرن و هیچ ناوچه‌یه‌کی لوبنان نه‌که‌نه‌ ئامانجی خۆیان.
هاوبه‌ندی ئۆپـۆزسیۆن له‌ به‌یانـنامه‌یه‌کدا له‌سه‌ر فه‌یسبوکه‌که‌ی ئه‌مه‌ی ڕاگه‌یاند و گوتی پـێویسته‌ حکومه‌تی لوبنان واز له‌ سیاسه‌تی دوره‌وپه‌رێز بهێنێت و ده‌سـتبکات به‌ کۆنترۆڵکردنی سـنووره‌کانی خۆی و کاره‌ سه‌ربازیـیه‌کانی حزبوڵڵا له‌سه‌ر سـنووره‌کانی سوریادا ڕابگرێت.
هه‌روه‌ها ئۆپـۆزسیۆن هێزه‌کانی حزبوڵڵای تاوانبارکرد به‌ بۆردومانکردنی چه‌ند گوندێـکی سوریا، ئه‌وانه‌ی ده‌که‌ونه‌ سه‌ر سنووری نێوان هه‌ردوو وڵات.
هاوکات داوای له‌ هێزه‌کانی ئۆپـۆزسیۆن له‌ ناوچه‌ گوندیـیه‌کانی ڕۆژئاوای حومس کرد ڕێز له‌ سه‌روه‌ری خاکی لوبنان بگرن.
ئه‌م به‌یانـنامه‌یه‌ پاش ئه‌وه‌ بڵاوکرایه‌وه‌ که‌ شه‌ڕ و پـێـکدادان له‌ نێوان هێزه‌کانی ئۆپـۆزسیۆنی سوریا و حزبوڵڵای لوبنان له‌ ناوچه‌ سنووریـیه‌کاندا ڕوویاندا و به‌ دوایدا هێزه‌کانی ئۆپـۆزسیۆن ڕۆژی یه‌کشه‌ممه‌ بۆردومانی ناوچه‌کانی حزبوڵڵایان له‌ دیوی لوبناندا کرد و له‌ ئاکامدا 2 که‌س کوژران.
XS
SM
MD
LG