Accessibility links

سه‌رۆک ئۆباما به‌ڵێن ده‌دات ئه‌نجامده‌رانی هێرشه‌که‌ی بۆستن سـزا بدرێن

  • VOA News

ئێواره‌ی ئه‌مڕۆ دووشه‌ممه‌ سه‌رۆکی وڵاته‌ یه‌کگرتووه‌کانی ئه‌مه‌ریکا وتارێـکی پـێشـکه‌شکرد له‌ باره‌ی هه‌ردوو ته‌قینه‌وه‌که‌ی شـاری بۆستن.
سه‌رۆک ئۆباما گوتی خه‌ڵـکی ئه‌مه‌ریکا ئه‌مشه‌و نوێژ و نزا بۆ بۆستن ده‌که‌ن له‌ پاش ئه‌و زیانه‌ی له‌و شـاره‌ که‌وتووه‌.
سه‌رۆک ئۆباما گوتی" له‌ ڕۆژێـکی وه‌هادا نه‌ کۆماری و نه‌ دیموکرات هه‌یه‌، هه‌موومان ئه‌مه‌ریکایـین، یه‌کین له‌ نیگه‌رانیـیه‌کانمان بۆ هاوڵاتیـیانمان."
گوتیشی" هێشـتا نازانین کێ ئه‌مه‌ی کردووه‌ یان بۆچی، به‌ڵام ئه‌وه‌ی لێره‌دا هیچ گومانێـکی له‌سه‌ر نیـیه‌، ئه‌وه‌یه‌ ئێمه‌ ده‌گه‌ینه‌ بنچینه‌که‌ی، وه‌ ده‌یدۆزینه‌وه‌ کێی ئه‌مه‌ی کردووه‌ و بۆچی."
سه‌رۆک ئۆباما گوتی " بۆستن شـارێـکی توند و پته‌وه‌، وه‌ هه‌روه‌ها خه‌ڵـکه‌که‌شی، بۆیه‌ بڕوایه‌کی ته‌واوم هه‌یه‌، خه‌ڵـکی ئه‌و شـاره‌ پـێکه‌وه‌ ده‌ستی یه‌کتر ده‌گرن و گرنگی به‌ یه‌کتری ده‌ده‌ن و هه‌نگاو به‌ره‌و پـێشـه‌وه‌ ده‌نێن وه‌ک یه‌ک شـاری سه‌ربه‌رز.
XS
SM
MD
LG