Accessibility links

له‌ ئاکامی هێرشێـک بۆ سه‌ر دادگاکانی حکومه‌ت له‌ پایته‌ختی سۆماڵ 22 که‌س ده‌کوژرێن

  • VOA News

له‌ هێرشێـکدا بۆ سه‌ر کۆمه‌ڵه‌ بینای دادگاکانی حکومه‌ت له‌ مه‌قادیشۆی پایته‌ختی سۆماڵ، به‌ لایه‌نی که‌م 22 که‌س کوژراون و به‌ ده‌یان که‌سیش برینداربوون.
حه‌سه‌ن عه‌بدوڵڵا، یه‌ک له‌ پـۆلیسه‌کانی پاسه‌وانی کۆمه‌ڵه‌ بیناکه‌‌ به‌ ئاژانسی ده‌نگ‌وباسی ئه‌سۆشیه‌یتد پـرێسی گوتووه‌ هێرشه‌که‌ به‌ ته‌قینه‌وه‌ی ئۆتۆمبیلێـکی بۆمبڕێژکراو له‌ ده‌ره‌وه‌ی کۆمه‌ڵه‌ بینای دادگاکان ده‌سـتیپـێکردووه‌ و پاشـان چه‌کداران هێرشیان کردووه‌. گوتوشیه‌تی خۆی به‌ چاوی خۆی 5 ته‌رمی له‌ ده‌روازه‌ی دادگاکاندا بینیوه‌.
به‌پـێی هه‌واڵه‌کان 9 چه‌کداری سه‌ر به‌ کۆمه‌ڵی توندڕه‌وی ئه‌لشه‌باب هێرشه‌کیان ئه‌نجامداوه‌ و هه‌موویان کوژراون.
له‌ پاش ئه‌م هێرشه‌، له‌سه‌ر ڕێگه‌ی فڕۆکه‌خانه‌ی پایته‌خت ئۆتۆمبیلێـکی بۆمبڕێژکراو ته‌قیوه‌ته‌ و له‌ ئاکامدا زیانی به‌ ئۆتۆمبیلێـکی دیکه‌ گه‌یاندووه‌ که‌ ژماره‌یه‌ک هاوڵاتی تورکی تێدابوو. هه‌تا ئاماده‌کردنی ئه‌م هه‌واڵه‌ ئاکامه‌کانی ئه‌م هێرشه‌یان ئاشـکرا نه‌کراوه‌.
XS
SM
MD
LG