Accessibility links

عومه‌ر به‌شیر سه‌ردانی سودانی باشور ده‌کات


سه‌رۆکی سودان عو‌مه‌ر حه‌سه‌ن ئه‌لبه‌شیر ئه‌مڕۆ هه‌ینی گه‌یشـته‌ جوبای پایته‌ختی سودانی باشور به‌ مه‌به‌سـتی باشـکردنی په‌یوه‌ندیـیه‌کانی نێوان هه‌ردوو وڵات.
سه‌رۆکی سودانی باشور سه‌لڤا کیر له‌ فڕۆکه‌خانه‌ی جوبا پـێشـوازی له‌ حه‌سه‌ن ئه‌لبه‌شیر کرد و پاشـان پـێـکه‌وه‌ له‌ پشـت ده‌رگای داخراوه‌وه‌ کۆبوونه‌وه‌ی خۆیان سـازدا.
به‌پـێی ئاژانسی ده‌نگ‌وباسی سودان له‌ کۆبوونه‌وه‌که‌دا سه‌نگی خراوه‌ته‌ سه‌ر چۆنێتی جێبه‌جێـکردنی ئه‌و ڕێـکه‌وتنـنامه‌ ئابوری و سیاسیـیانه‌ی له‌م دوایـیانه‌دا له‌ نێوانیان مۆرکراون.
جێی ئاماژه‌یه‌ له‌ پاش زیاتر له‌ سـاڵێـک، هه‌فته‌ی ڕابردوو سودانی باشور ده‌سـتیکرده‌وه‌ به‌ هه‌نارده‌کردنی نه‌وتی خاوی خۆی له‌ ڕێـگه‌ی لووله‌ نه‌وتیـیه‌کانی به‌ سوداندا تێپه‌ڕده‌بن. سودانی باشور پـێشـتر ده‌یگوت سودان کرێـیه‌کی زۆری خستۆته‌ سه‌ر هه‌نارده‌کردنی نه‌وت به‌ خاکه‌که‌یدا.
سودانی باشور له‌ سـاڵی 2010 وه‌ له‌ سودان سه‌ربه‌خۆ بوو، پاش سـازدانی ڕاپـرسیـیه‌کی گشـتی که‌ تیایدا زۆربه‌ی خه‌ڵـکی باشور ده‌نگیـیان بۆ سه‌ربه‌خۆیی دا.
XS
SM
MD
LG