Accessibility links

کێشه‌ی کورده‌ فه‌ێلیه‌کان و بێ ده‌نگی ڕاگه‌یاندنی کوردی

  • Jani Diylan

که‌مال ره‌ئوف

که‌مال ره‌ئوف

کورده‌ فه‌یلیه‌کان که‌ به‌شێکی نه‌پچڕاو له‌ گه‌لی کوردن ڕه‌خنه‌ و گازنده‌ و سکاڵایه‌کی زۆریان له‌ ده‌زگاکانی ڕاگه‌یاندنی کوردی هه‌یه‌ که‌ گرنگیه‌کی ئه‌وتۆ به‌ کێشه‌که‌یان ناده‌ن.

کاک که‌مال ره‌ئووف نووسه‌ر، ڕۆژنامه‌وان و سه‌رنووسه‌ری پێشووی ڕۆژنامه‌ێ هاوڵاتی له‌ هه‌ڤپه‌ێڤینێکدا له‌گه‌ڵ ته‌له‌ / ڕادیۆی به‌شی کوردی ده‌نگی ئه‌مریکا سه‌باره‌ت به‌وه‌ی ده‌زگاکانی ڕاگه‌یاندنی کوردی به‌ سه‌تلایت،رادیو و ته‌لفزیون و ڕۆژنامه‌کانیانه‌وه‌ ئه‌و گرنگیه‌ به‌ کێشه‌ی کورده‌ فه‌ێلیه‌کان ناده‌ن ده‌ڵێت" من سه‌د له‌ سه‌د له‌گه‌ڵ ئه‌و گله‌ و گازنده‌م که‌ ئه‌وان هه‌یانه‌ چونکه‌ به‌ڕاستی نه‌ک هه‌ر له‌ رووی میدیاییه‌وه‌ ته‌نانه‌ت له‌ رووی سیاسیشه‌وه‌ فه‌رامۆش کراوون وه‌ ئه‌وه‌ی که‌ له‌ میدیاکاندا ئه‌ێبینیت ئه‌وه‌ ڕه‌نگدانه‌وه‌ی رؤیا سیاسیه‌که‌ێ هه‌رێمی کوردستانه‌ له‌ سه‌ر برا فه‌ێلیه‌کانمان، چونکه‌ به‌ ڕاستی ئه‌گه‌ر دیقه‌ت بده‌ێ به‌ هیچ جۆرێک بیریان لێ نه‌کراوه‌ته‌وه‌ و خه‌مخۆریان بۆ نه‌کراوه‌ وه‌ ته‌نانه‌ت له‌ په‌رله‌مان باسێک نییه‌ له‌سه‌ر ئه‌و باسه‌ وه‌ یاخود له‌ نێوئه‌و دادگایانه‌ی که‌ له‌ به‌غدا هه‌یه‌ وه‌ کورده‌کان ئه‌مرۆ نوێنه‌ریان هه‌یه‌ له‌ به‌غدا ئه‌یانتوانی ئه‌م که‌ێسه‌ وه‌کو کێشه‌یه‌کی گه‌وره‌ و نیشتمانی سه‌ێر که‌ن به‌ڵام به‌ داخه‌وه‌ وا نه‌بوه‌"

XS
SM
MD
LG