Accessibility links

پـێـکدادان له‌ نێوان موسڵمان و کرستیان له‌ پایته‌ختی میسر ڕووده‌دات و که‌سێـک ده‌کوژرێت

  • VOA News

پـێـکدادان له‌ نێوان موسڵمان و کرسـتیانه‌ قوپـتیـیه‌کانی میسر له‌ به‌رده‌م کڵێسـایه‌کی ناوچه‌ی عه‌باسـیه‌ی باکوری قاهیره‌ی پایته‌خت ڕوویدا و له‌ ئاکامدا که‌سێـک کوژرا و به‌ لایه‌نی که‌م 21 که‌سیش برینداربوون.
پـێـکدادانه‌که‌ دوابه‌دوای ئه‌وه‌ هات،‌ کرستیانه‌کان له‌ کڵێسه‌ی مورقوسیـیه‌ی ناوچه‌ی عه‌باسیـیه‌ ڕێوڕه‌سمی ماته‌مینیـیان ده‌گێڕا بۆ کوژرانی 4 که‌س که‌ له‌ توندوتیژیـیه‌کانی ڕۆژی ڕابردوودا گیانیان له‌ده‌ستدا.
موسڵمانه‌کان به‌ به‌رد و بۆمبی مۆلۆتۆف و تاپـڕه‌وه‌ په‌لاماری کرستیانه‌کانیان دا که‌ دروشمیان له‌دژی حکومه‌تی محه‌مه‌د مورسی ده‌گوته‌وه‌.
پاشـان هێزه‌کانی حکومه‌ت که‌وتنه‌ هه‌ڵدانی بۆمبی فرمێسک ڕێژ به‌ مه‌به‌سـتی بڵاوه‌پـێـکردنیان.
به‌پێی هه‌واڵه‌کان ئه‌و که‌سه‌ی گیانی له‌ده‌سـتداوه‌ گولـله‌ی تاپـڕی به‌رکه‌وتووه‌.
XS
SM
MD
LG