Accessibility links

کۆریای باشور و ئه‌مه‌ریکا کارده‌که‌ن بۆ خاوکردنه‌وه‌ی گرژیـیه‌کان له‌گه‌ڵ کۆریای باکوردا

  • VOA News

گه‌وره‌ ئه‌فسه‌ری له‌شـکری کۆریای باشور کۆبوونه‌وه‌یه‌کی خۆی دواخست که‌ بڕیاربوو له‌ واشنتن له‌گه‌ڵ سه‌رۆکی ستوونه‌ هاوبه‌شه‌کانی له‌شـکری ئه‌مه‌ریکا سـازیبکات، ئه‌مه‌ش به‌هۆی زیابوونی گرژیـیه‌کان له‌گه‌ڵ کۆریای باکوردا.
بڕیاربوو جه‌نه‌ڕاڵ جونگ سێونگ جۆ گه‌وره‌ فه‌رمانده‌ی له‌شـکری کۆریای باشور و جه‌نه‌ڕاڵ مارتن دێمسی هاوتا ئه‌مه‌ریکایـیه‌که‌ی له‌ 16 ی مانگی چواردا له‌ کۆبوونه‌وه‌ی سـاڵانه‌ی کۆمیته‌ی له‌شـکری کۆبـبنه‌وه‌‌، به‌ڵام گوته‌بێژێـکی جه‌نه‌ڕاڵ جونگ ئه‌مڕۆ یه‌کشه‌ممه‌ گوتی سیۆل نیگه‌رانه‌ له‌وه‌ی ڕه‌نگه‌ له‌و ده‌مه‌ی فه‌رمانده‌ی له‌شـکر لێره‌ نه‌بێت، پـیۆنگیانگ هه‌ڵوێستێـکی له‌شـکری توڕه‌که‌ر وه‌ربگرێت.
له‌ لایه‌کی دیکه‌وه‌ دوێنێ شه‌ممه‌ گه‌وره‌ کاربه‌ده‌سـتێـکی وه‌زاره‌تی به‌رگری ئه‌مه‌ریکا که‌ ناوی خۆی ئاشـکرا نه‌کرد، گوتی پـێنتاگۆن تاقیکردنه‌وه‌یه‌کی موشه‌کی کیشوه‌ربڕی خۆی دواخست که‌ بڕیاربوو له‌ بنکه‌یه‌کی هێزی ئاسـمانی له‌ کالیفۆرنیا هه‌ڵبدرێت، تاوه‌کو هێنده‌ی تر گرژیـیه‌کان له‌گه‌ڵ کۆریای باکوردا پـتر نه‌بن.
کاربه‌ده‌سـته‌که‌ گوتی چه‌ک هاگڵ وه‌زیری به‌رگری بڕیاری داوه‌ تاقیکردنه‌وه‌ی موشه‌کی جۆری Minuteman 3 مه‌ودا درێژ بۆ مانگی داهاتوو دوابخرێت، ئه‌مه‌ش له‌ پـێناو به‌ هه‌ڵه‌ تێـگه‌یشـتنێـک له‌ لایه‌ن کۆریای باکوره‌وه‌ بۆ ئه‌م کاره‌ ڕوو نه‌دات و قه‌یرانه‌که‌ی ئێسـتا ئاڵۆزتر نه‌بێت.
XS
SM
MD
LG