Accessibility links

دکتۆر که‌نعان حه‌مه‌ غه‌ریب: ئه‌زمونه‌کان پێمان ده‌ڵێن نازناوی تێرۆریست له‌ پارتی کرێکارانی کوردستان لێده‌کرێته‌وه‌

  • Balen Salih

له‌پاش په‌یامه‌ نه‌ورۆزیه‌که‌ی عه‌بدوڵا ئۆجه‌لان هه‌ندێک له‌ شیکه‌ره‌وه‌ له‌وبڕوایه‌دان پێویست به‌ لایه‌نی سێهه‌م هه‌بێت له‌ دیالۆگی نێوان ئانکه‌ره‌ و په‌که‌که‌دا.

دکتۆر که‌نعان حه‌مه‌ غه‌ریب، پسپۆڕی سیاسی له‌ زانکۆی سلێمانی ده‌ڵێت چونکه‌ لایه‌نی کوردی و حکومه‌تی تورکیا له‌ دانوستاندنێکی ڕاسته‌وخۆدان و هه‌میشه‌ش وابووه‌ کاتێک که‌ دیالۆگێکی ڕاسته‌وخۆ دێته‌ ئاراوه‌ پێویست به‌ لایه‌نی سێهه‌م ناکات و ده‌شڵێت بێ له‌وه‌ش ئه‌وه‌ی که‌ گرنگه‌ په‌ره‌پێدانی متمانه‌یه‌ له‌ نێوان هه‌ردوو لادا.

له‌ وه‌ڵامی پرسیارێکی به‌ڵێن ساڵح سه‌باره‌ت به‌وه‌ی ئایا ئه‌م هه‌نگاوانه‌ی ئانکه‌ره‌ناچارییه‌ یان پێداویستیه‌ بۆ چاره‌سه‌رکردنی کێشه‌ی کورد له‌ تورکیادا؟ دکتۆر حه‌مه‌ غه‌ریب ده‌ڵێت هه‌ردووکیانه‌ ، ڕه‌وشی سیاسی و ئاسایشی له‌ ناوچه‌که‌دا به‌شێکیه‌تی و لایه‌نه‌که‌ی تریشی ئه‌و ڕوانینانه‌ی ناوخۆی وڵاته‌که‌ن سه‌باره‌ت به‌ گرنگی چاره‌سه‌رکردنی کێشه‌ی کورد.

دکتۆر که‌نعان حه‌مه‌ غه‌ریب له‌م وتووێژه‌دا باسیش له‌و‌ گۆڕانکاریانه‌ش ده‌کات که‌ که‌ گوتاری په‌که‌که‌دا هاتۆته‌ ئاراوه‌.

زانیاری زیاتر له‌ ده‌قی وتووێژه‌که‌دایه‌:

XS
SM
MD
LG