Accessibility links

کۆمه‌ڵه‌یه‌ک: ژماره‌ی کوژراوانی ئاکامی شه‌ڕی سوریا له‌ مانگی سێدا زیاتر له‌ 6 هه‌زار که‌سه‌

  • VOA News

کۆمه‌ڵه‌ی چاودێری مافه‌کانی مرۆڤی سوریا ده‌ڵێت ته‌نها له‌ مانگی سێدا زیاتر له‌ 6 هه‌زار له‌ شه‌ڕی ناو سوریادا کوژراون، به‌مه‌ش ئه‌و مانگه‌ ده‌بێته‌ خوێناویترین مانگ له‌وه‌تای دوو سـاڵه‌ ڕاپه‌ڕینی خه‌ڵـکی سوریا ده‌سـتیپـێـکردووه‌.
ڕامی عه‌بدولڕه‌حمان سه‌رۆکی کۆمه‌ڵه‌که‌ ده‌ڵێت زیابوونی ژماره‌ی قوربانیـیه‌کان ده‌گڕێته‌وه‌ بۆ زیابوونی بۆردومان و شه‌ڕ له‌ سه‌رانسه‌ری وڵاته‌که‌ و هه‌روه‌ها نیشـانه‌ی ته‌شه‌نه‌کردنی شه‌ڕه‌که‌شه‌.
ده‌شڵێت هه‌ردوو لایه‌نی قه‌یرانه‌که‌‌ زانیاری دوروست له‌سه‌ر ژماره‌ی کوژراوه‌کانیان ناده‌ن تاوه‌کو کاریگه‌ری خراپـی بۆ سه‌ر وره‌ی جه‌نگاوه‌ره‌کانیان نه‌بێت.
هه‌روه‌ها ئاماژه‌ بۆ ئه‌وه‌ ده‌کات 298 منداڵ و 291 ژن له‌ نێو کوژراوه‌کاندان.
XS
SM
MD
LG