Accessibility links

سه‌رکردایه‌تی کورد: ئه‌گه‌ر به‌غدا به‌ ده‌نگ داواکانمانه‌وه‌ نه‌یه‌ت، ئه‌وا پەنا بۆ بژاردەگەلی گونجاو دەبرێت

  • VOA News

ئه‌مڕۆ دووشه‌ممه‌ سه‌رکردایه‌تی هه‌رێمی کوردسـتانی عێراق بڕیاری دا وه‌زیر و نوێنه‌رانی کورد له‌ به‌غدا بۆ کۆبوونه‌وه‌کانی حکومه‌ت و په‌رله‌مانی عێراق نه‌گڕێنه‌وه‌، هه‌تا ئه‌و ده‌مه‌ی هه‌نگاوی پـراکتیکی له‌ لایه‌ن ده‌سه‌ڵاتدارانی باڵای حکومه‌تی ناوه‌ندیـیه‌وه‌ ده‌نرێت بۆ جێبه‌جێـکردنی داواکانیان.
کۆبوونه‌وه‌که‌ که‌ به‌ سه‌رۆکایه‌تی مه‌سعود بارزانی سه‌رۆکی هه‌رێمی کوردسـتان ئه‌نجامدرا و نوێنه‌رانی ئۆپـۆزسیۆنیش به‌شـداربوون، بڕیار درا نامه‌یه‌ک ئاڕاسته‌ی هاوپه‌یمانی نیشـتمانی عێراق بکرێت و تیایدا جه‌خت بکرێته‌وه‌ سه‌ر " پاراستنی ده‌ستور و چه‌سـپاندنی به‌هاکانی هاوبه‌شێتی و هاوسه‌نگی و سازانی نیشتیمانی."
ده‌شڵێن ئه‌گه‌ر هه‌نگاوی پـێویست و پـراکتیکی نه‌نرا، ئه‌وا سەركردایەتی كوردستان" پەنا بۆ بژاردەگەلی گونجاو دەبات."
XS
SM
MD
LG