Accessibility links

گه‌وره‌ ڕاوێژکاری سه‌رۆک وه‌زیری لیبیا بێ‌سه‌روشوێن ده‌بێت

  • VOA News

کاربه‌ده‌سـتانی لیبیا ده‌ڵێن محه‌مه‌د عه‌لی شه‌نتال گه‌وره‌ ڕاوێژکاری عه‌لی زێدان سه‌رۆک وه‌زیر بێ‌سه‌روشوێن بووه‌ و ڕه‌نگه‌ ڕفێندرابێت.
پـۆلیس ده‌ڵێت دواجار له‌ خاڵێـکی پـشـکنینی به‌رده‌م ناوچه‌ی تاجورای ته‌رابلوسی پایته‌خت محه‌مه‌د عه‌لی شه‌نتال بینراوه‌ و هه‌روه‌ها به‌ر له‌وه‌ی بێ سه‌روشوێن ببێت به‌ ته‌له‌فون قسه‌ی له‌گه‌ڵ خێزانه‌که‌یدا کردووه‌.
دواتر هێزه‌کانی ئاسایش ئه‌مڕۆ دووشه‌ممه‌ ئۆتۆمبیله‌که‌یان له‌ لای شه‌قامێـکدا دۆزیوه‌ته‌وه‌.
ئه‌م ڕووداوه‌ پاش چه‌ند کاژمێرێـک هات له‌وه‌ی کۆمه‌ڵێـک چه‌کداری سه‌ر به‌ حکومه‌ت خۆیان به‌ وه‌زاره‌تی دادی وڵاته‌که‌دا کرد بۆ ده‌ربڕینی ناڕه‌زایی به‌رامبه‌ر لێـدوانێـکی سه‌ڵاح ئه‌لمرغه‌نی وه‌زیری داد که‌ تیایدا کۆمه‌ڵه‌ چه‌کداره‌کانی به‌ میلیشـیا ناوبردبوو، گوتبووی ئه‌وانه‌ له‌ ده‌ره‌وه‌ی یاسا و حکومه‌ت کارده‌که‌ن.
XS
SM
MD
LG