Accessibility links

بۆمبێـک به‌ کاروانی ئۆتۆمبیله‌کانی سیاسه‌تمه‌دارێـکی پاکسـتانی ده‌ته‌قێته‌وه‌

  • VOA News

کاربه‌ده‌سـتان له‌ باکوری ڕۆژئاوای پاکسـتان ده‌ڵێن بۆمبێـکی لاڕێ به‌ کاروانی ئۆتۆمبیله‌کانی سیاسه‌تمه‌دارێـک ته‌قیوه‌ته‌وه‌ و بووه‌ته‌ مایه‌ی کوژرانی 2 که‌س و برینداربوونی 6 که‌سی دیکه‌.
ده‌سه‌ڵاتداران ده‌ڵێن بۆمبه‌که‌ ئه‌مڕۆ یه‌کشه‌ممه‌ به‌ ئۆتۆمبیله‌کانی عه‌دنان وه‌زیر سیاسه‌تمه‌داری سه‌ر به‌ پارتی عه‌وامی میلـلی سیکیولاردا ته‌قیوه‌ته‌وه‌.
تاڵیبان به‌رپـرسیارێتی خۆی له‌م هێرشه‌ ڕاگه‌یاند که‌ له‌ هه‌رێمی په‌ختونخوای نائارامدا ڕوویدا، ئه‌و ناوچه‌یه‌ی له‌ پاڵ سـنووری ئه‌فغانسـتاندایه‌ و مۆڵگه‌ و حه‌شـاره‌گه‌ی تاڵیبان و میلیتانانی دیکه‌ی لێـیه‌.
توندوتیژی له‌ باکوری ڕۆژئاوای پاکسـتاندا زیایکردووه‌ له‌و ده‌مه‌ی وڵاته‌که‌ خۆی بۆ هه‌ڵبژاردنه‌کانی هه‌رێمی و گشـتی 11 ی مانگی پـێـنج ئاماده‌ده‌کات.
XS
SM
MD
LG