Accessibility links

دادگای پـیاداچوونه‌وه‌ی میسر بڕیاری لابردنی گه‌وره‌ داواکاری گشـتی وڵاته‌که‌ هه‌ڵده‌وه‌شێنێته‌وه‌

  • VOA News

عه‌بدولمه‌جید مه‌حمود

عه‌بدولمه‌جید مه‌حمود

دادگایه‌کی پـیاداچوونه‌وه‌ی میسر بڕیارێـکی سه‌رۆک محه‌مه‌د مورسـی هه‌ڵوه‌شـانده‌وه‌ که‌ تیایدا فه‌رمانی دابوو عه‌بدولمه‌جید مه‌حمود له‌ پـۆسـتی گه‌وره‌ داواکاری گشـتی وڵاته‌که‌ لابـبرێت و ڕاوێژکار ته‌ڵعه‌ت عه‌بدوڵڵا له‌ شوێنی دابنرێت.
دادگای قاهیره‌ ئه‌مڕۆ چوارشه‌ممه‌ ئه‌م بڕیاره‌ی دا و گوتی بڕیاره‌که‌ی مانگی یازده‌ی سـاڵی ڕابردووی سه‌رۆک محه‌مه‌د مورسی هه‌ڵوه‌شـاوه‌ته‌وه‌، بۆیه‌ داوا له‌ وه‌زیری داد ده‌کرێت عه‌بدولمه‌جید مه‌حمود بۆ پـۆسته‌که‌ی بگه‌ڕێنێته‌وه‌.
عه‌بدولمه‌جید مه‌حمود که‌ له‌ لایه‌ن حوسنی موبارک سه‌رۆکی پـێشووه‌وه‌ ئه‌و پـۆسته‌ی گرتبووه‌ ده‌ست، دووچاری ڕه‌خنه‌ بوو‌ له‌سه‌ر ئه‌وه‌ی وه‌ک ده‌ڵێن پـۆسته‌که‌ی خراپ به‌کارهێنابوو‌ بۆ به‌بێ تاوانکردنی کاربه‌ده‌سـتان و ئه‌ندامانی هێزه‌کانی ئاسایشی سه‌رده‌می موباره‌ک له‌ کۆشـتنی ئه‌و خۆپـیشـانده‌رانه‌ی له‌ ده‌می ڕاپه‌ڕینی دژی سه‌رۆک موباره‌کدا کوژران.
XS
SM
MD
LG